Salmos 71:1-24
71 Jeobá, náa ikháán nimbáyuminaʼ.
Xátatsiʼñááʼ rí nimbá miʼtsú magajnúu gamajkhuʼ.+
2 Numuu rí ikháán natani̱ rí jmbu, atambáyúʼ ga̱jma̱a̱ atani̱ kríñu̱u̱nʼ.
Araʼndutiga mu matadxawunʼ ga̱jma̱a̱ atani̱ kríñu̱u̱nʼ.+
3 Ganindxa̱a̱ʼ mbá itsí mba̱a̱ náa ikhúúnnáa mambáyuminaʼ má xúʼko̱.
Aratáñajunʼ mu maguma kríñu̱u̱nʼ,numuu rí ikháán nindxa̱a̱ʼ pátsí ga̱jma̱a̱ xtájtsí náa mambáyuminaʼ.+
4 Dios ndrígóʼ, atani̱ kríñu̱u̱nʼ náa ñawúúnʼ xa̱bu̱ xkawi̱i̱nʼ,+numuu dí xa̱bu̱ ra̱míjíinʼ tséniñu̱ʼ maxtáá tsímáá.
5 Numuu rí i̱ndó ikháán gúʼthu̱u̱n matambáyuʼ Tátá Jeobá bi̱ itháán Mba̱a̱,ikháán niku̱mu̱ʼ ka̱ya̱a̱ʼ asndu nákha dxámá nindxu̱ʼ.+
6 Asndu nákha nigumún ikháán nitie̱wu̱nʼ,ikháán nitríñu̱u̱nʼ náa awúu̱n ru̱dúʼ.*+
Maxna̱a̱ʼ má xúʼko̱ gamajkhu.
7 Mbaʼin xa̱bu̱ naʼniún tsiánguá ga̱jma̱a̱ rí nigíʼnuʼ,mú ikhúún nda̱yo̱o̱ rí ikháán nindxa̱a̱ʼ bi̱ nitambáyúʼ.
8 Rawunʼ maʼthí mu maxnáaʼ gamajkhu,+kañiiʼ mbiʼi gátha xú káʼnii mitsaanʼ nindxa̱a̱ʼ.
9 Xátatsiʼñúʼ índo̱ gíkiu̱u̱n.+Xátatsiʼñúʼ índo̱ gámbá tsiaki̱i̱.+
10 Xa̱bu̱ sia̱nʼ ndrígóʼ nuthi dí raʼkhí ga̱jma̱a̱ numuʼga̱jma̱a̱ bi̱ nandún muxiñún nagimbíi̱n mu mutamijná xóo muniu̱nʼ.+
11 Nuthi: “Dios niniñuuʼ.
Guʼgua ruxkáála ga̱jma̱a̱ gurtuwiin, numuu rí ndawa̱a̱ tsáa maʼni kríya̱a̱ʼ”.+
12 Dios ndrígóʼ xátatsíngu̱u̱nʼ náa ikhúún.
Nacha̱ gídxáʼ gátambáyúʼ Dios ndrígóʼ.+
13 Gaʼni rí bi̱ nakiʼníin kuyoʼmagajnúu gamajkhún ga̱jma̱a̱ maguma gámbíin.+
Bi̱ nandún magíʼnuʼ dí ra̱májánʼgati̱ñu̱u̱nʼ ga̱jma̱a̱ gagajnúu gamajkhún.+
14 Mú ikhúún magúʼtha̱a̱nʼ má xúʼko̱,mámbá mbiʼi maxna̱a̱ itháán gamajkhu.
15 Ma̱ta̱ má xúʼko̱ rí jmbu nindxu̱u̱ dí natani̱,+kañiiʼ mbiʼi ma̱ta̱ rí nitani̱ mu matani kríñu̱u̱nʼ,maski ajndu ra̱ʼkhá tháán mbaʼa nindxu̱u̱ rí xáʼngo̱ʼ gágúxnuu.+
16 Tátá Jeobá bi̱ itháán Mba̱a̱,maʼgá ga̱jma̱a̱ ma̱ta̱ rí nitani̱ náa nitasngájma tsiaki̱i̱ rí xtaʼdáá,i̱ndó ma̱ta̱ rí ikháán nitani̱ rí nindxu̱u̱ jmbu.
17 Dios ndrígóʼ, ikháán nirasngóʼ asndu nákha dxámá nindxu̱ʼ,+asndu mbiʼi xúgi̱, na̱tha̱ má xúʼko̱ xúgíʼ rí mitsaanʼ* nitani̱.+
18 Dios ndrígóʼ, xátatsiʼñúʼ índo̱ gáʼni xiʼñáaʼ nindxu̱ʼ.+
Atatsíñuʼ mathu̱u̱n e̱ji̱n bi̱ makuwá nda̱wa̱á ga̱jma̱a̱ numuu tsiaki̱i̱ ndrígáaʼ,bi̱ ndiʼkhú makuwá mathu̱u̱n ga̱jma̱a̱ numuu tsiaki̱i̱ rí xtaʼdáá.+
19 Dios ndrígóʼ, rí májánʼ natani̱ na̱jkha̱núu asndu mekhuíí,+ra̱ʼkhá tháán mitsaanʼ nindxu̱u̱ rí nitani̱,Dios ndrígóʼ, tsáá i̱mba̱a̱ xóo ikháán rá.+
20 Maski ma nitani̱ rí ma̱ʼkha̱nú gamiéjunʼ ga̱jma̱a̱ ga̱ʼkhu̱ inuʼ,+mú araxnáaʼ tsiaki̱i̱ mbu̱júu̱,atríñu̱u̱ʼ náa iyaʼ mi̱jnu̱ʼ.+
21 Atani̱ rí magúʼdoo itháán numuʼ,atiewu̱nʼ ga̱jma̱a̱ atani̱ rí maʼni̱i̱ a̱jkiu̱nʼ.
22 Numuu rí natani̱ rí májánʼ Dios ndrígóʼ+ma̱ni̱ mba̱a̱n ga̱jma̱a̱ ajua̱nʼ dí gíʼdoo cuérdóo.
Bi̱ Kaʼwii náa Israel,ma̱ni̱ ajmúú mu maxnu̱u̱ gamajkhu* ga̱jma̱a̱ arpa.
23 Rawunʼ maʼni ajmúú má xúʼko̱ ga̱jma̱a̱ gagi mu ma̱ni̱ mba̱a̱n,+numuu rí ikháán nitani̱ kríñu̱u̱nʼ.+
24 Kañiiʼ mbiʼi rawunʼ maʼthí ga̱jma̱a̱ numuu rí májánʼ natani̱,+numuu rí bi̱ nandún muxiñún magajnún gamajkhún ga̱jma̱a̱ mati̱ñu̱u̱nʼ.+
