Zəbur 78:1—72
Maskil*. Asəfin məzmuru.+
78 Ey xalqım, qanunuma qulaq as,Ağzımdan çıxan sözləri dinlə.
2 Ağzımı məsəllə açacağam,Qədim tapmacaları danışacağam,+
3 O şeyləri ki eşitmişik, bilirik,Ata-babalarımız bizə danışıb.+
4 Oğullarımızdan gizlətmərik,Gələcək nəsillərə nəql edərik,+Yehovanın tərifəlayiq əməllərini, gücünü,+Xariqüladə işlərini.+
5 O, Yaquba öyüdlərini verdi,İsraildə qanun qoydu,Ata-babalarımıza əmrlər verdi ki,Onları oğullarına öyrətsinlər.+
6 Beləcə, gələcək nəsil,Dünyaya göz açacaq uşaqlar bunları bilsin,+Onlar da öz övladlarına danışsın.+
7 Beləcə, Allaha güvənər,Allahın işlərini unutmazlar,+Əmrlərinə tabe olarlar.+
8 Onda ata-babaları kimi olmazlar.
Onlar kimi dikbaş, asi nəsil,+Ürəyi səbatsız,+Allaha vəfasız bir nəsil olmazlar.
9 Əfraim oğulları ox-kamanla yaraqlansa da,Savaş meydanından geri qaçdılar.
10 Allahın əhdini pozdular,+Qanunu ilə getmədilər.+
11 Onun işlərini,Onlara göstərdiyi xariqələri unutdular.+
12 O, ata-babalarının gözü önündə möcüzələr göstərdi,+Misir torpağında, Suan diyarında.+
13 Dənizi yarıb onlar üçün yol açdı,Sular divar kimi durdu.+
14 Onlara gündüz buludla,Bütün gecəni şəfəq saçan alovla yol göstərdi.+
15 Səhrada qayaları yardı,Onlara doyunca su içirdi, sanki, ümmandan.+
16 Sal qayadan su fışqırtdı,Sular çay kimi axdı.+
17 Onlar isə daha da çox günah etdilər,Haqq-Taalaya qarşı qiyam qaldırdılar səhrada.+
18 Qəlblərində Allahı sınadılar,+Tamarzı qaldıqları təamları tələb etdilər Ondan.
19 Allahın əleyhinə danışıb dedilər:
«Məgər Allah bu çöl-biyabanda süfrə aça bilər?»+
20 Bax! O, qayaya vurdu,Sular axdı, sellər daşdı.+
Yenə dedilər:
«Bəs çörək də verə bilər?
Xalqı üçün ət yetirə bilər?»+
21 Yehova bunu eşidəndə yaman hirsləndi,+Od alovlandı+ Yaquba qarşı.
Onun İsrailə qəzəbi kükrədi.+
22 Çünki Allaha inanmadılar,+Onun qurtuluş gücünə etibar etmədilər.
23 O, buludlu səmaya əmr etdi,Göylərin qapılarını açdı.
24 Onlara göylərin taxılını verdi,Manna yağdırdı ki, yesinlər.+
25 İnsan qüdrətlilərin*+ çörəyini yedi,Allah onlara doyunca yemək göndərdi.+
26 Göylərdə şərq küləyi əsdirdi,Qüvvəti ilə cənub küləyi oyatdı.+
27 Əti onların üzərinə toz kimi yağdırdı,Quşlar dəniz qumu qədər idi.
28 Onları düşərgənin ortasına,Çadırların həndəvərinə tökdü.
29 Yedilər, boğazlarına dürtdülər.
Ürəkləri istəyən hər şeyi onlara verdi,+
30 Amma hələ iştahalarını doyuzdurmamış,Loxmaları hələ ağızlarında ikən,
31 Onlara qarşı Allahın qəzəbi qalxdı,+Onların pəhləvanlarını öldürməyə başladı,+İsrailin cahıl oğullarını yerə sərdi.
32 Bununla belə, günahdan əl çəkmədilər,+Onun xariqüladə işlərinə iman gətirmədilər.+
33 Buna görə onların günlərini kəsdi, nəfəs kimi,+Ömürlərini naqafil dəhşətlərlə sona yetirdi.
34 Hər dəfə Allah onları qıranda Onu axtardılar,+Qayıdıb Onu aradılar.
35 Yadlarına düşürdü ki, Allahdır onların qayası,+Allah-Taaladır onların xilaskarı.+
36 Dodaqları ilə Onu aldatmağa çalışdılar,Dilləri ilə Ona yalan danışdılar.
37 Ürəkləri Ona bağlı deyildi,+Onun əhdinə vəfa etmədilər.+
38 Amma O, mərhəmət göstərirdi,+Günahlarından keçirdi, onları məhv etmirdi,+Dəfələrlə hirsini boğurdu,+Qəzəbini tam oyatmırdı.
39 Unutmurdu ki, onlar ətdən, sümükdəndirlər,+Əsib geri qayıtmayan külək kimidirlər*.
40 Neçə dəfə səhrada Ona asi oldular,+Biyabanda Onu kədərləndirdilər.+
41 Dönə-dönə Allahı sınadılar,+İsrailin Müqəddəsini incitdilər.
42 Yada salmadılar Onun güclü əlini,Onları düşməndən qurtardığı günü,+
43 Misirdə göstərdiyi əlamətləri,+Suan diyarındakı möcüzələrini.
44 Axar sular içməli olmasın deyə,Nil arxlarının suyunu necə qana çevirdiyini unutdular.+
45 Onları göndərdiyi mozalanlara yem etdi,+Ölkəni viran qoymaq üçün qurbağalar göndərdi.+
46 Əkinlərini acgöz çəyirtkəyə,Əllərinin zəhmətini çəyirtkə sürüsünə verdi.+
47 Üzüm tənəklərini dolu ilə,Əncir ağaclarını dolu dənələri ilə məhv etdi.+
48 Yük heyvanlarını doluyla,Sürülərini ildırımla* vurdu.+
49 Onların üzərinə alovlu qəzəb,Hirs, hiddət, bəla yağdırdı,Fəlakət mələklərini göndərdi, alaylarla.
50 Qəzəbinə yol açdı,Canlarını ölümdən qurtarmadı,Onları azara düçar etdi.
51 Axırda Misirdəki bütün ilkinləri,Hamın çadırlarındakı ilk övladları məhv etdi.+
52 Sonra xalqını sürütək oradan çıxartdı,+Sürütək apardı səhrada onları.
53 Onları asayişlə apardı,Qorxu nədir bilmədilər,+Düşmənlərini isə dəryada qərq etdi.+
54 Onları müqəddəs məkanına,Sağ əli ilə fəth etdiyi dağlıq bölgəyə gətirdi.+
55 Onların qarşısından xalqları bir-bir qovdu,+İrs torpaqlarını ölçü ipi ilə aralarında bölüşdürdü,+İsrail qəbilələrini öz yurdlarında məskunlaşdırdı.+
56 Onlar isə Allah-Taalanı sınamaqdan, Ona qarşı çıxmaqdan əl çəkmədilər,+Onun öyüdlərini hey qulaqardına vurdular.+
57 Ataları kimi dönüklük etdilər, xəyanət etdilər,+Etibarsız çıxdılar, ipi boşalmış kamana bənzədilər.+
58 Səcdəgahları* ilə Onu qəzəbləndirdilər,+Oyma bütləri ilə Onun hirsini oyatdılar.+
59 Bunları eşidən Allah bərk hiddətləndi,+İsraildən tamamilə üz döndərdi.
60 Axırda Şilodakı çadırını,İnsanlar arasında qaldığı çadırı tərk etdi.+
61 Gücünün nişanını əsarətə göndərdi,Gözəlliyini düşmənə təslim etdi.+
62 Xalqını qılıncın qabağına verdi,+İrsinə qarşı qəzəbləndi.
63 Cavanlarını alov uddu,Qızlarına toy mahnısı oxunmadı.
64 Kahinləri qılıncdan keçirildi,+Dul qalan arvadları göz yaşı tökmədi.+
65 O zaman Yehova, sanki, yuxudan oyandı,+Sanki, pəhləvan+ şərabın təsirindən ayıldı.
66 Düşmənləri geri atdı,+Onları əbədilik xar etdi.
67 Yusifin çadırını rədd etdi,Əfraim qəbiləsini seçmədi.
68 Yəhuda qəbiləsini,Sevdiyi Sion dağını seçdi.+
69 Müqəddəs məkanını göylər kimi,+Əbədilik qoyduğu Yer kimi daimi bina etdi.+
70 Qulu Davudu seçdi,+Onu qoyun ağıllarından götürdü,+
71 Yanıbalalı qoyunların ardından götürdü,Xalqı Yaqubun,İrsi İsrailin üzərinə çoban qoydu.+
72 Davud da onları sadiq ürəklə otardı,+Bacarıqlı əli ilə onlara rəhbərlik etdi.+
Haşiyələr
^ Yaxud mələklərin.
^ Digər variant: ruh çıxır və geri qayıtmır.
^ Digər variant: qızdırma ilə.
^ Hərfən: yüksəklikləri.
