Zəbur 46:1—11
Dirijora. Qarun oğullarının məzmuru. Alamut* üslubunda.
46 Allah gücümüz, pənahımızdır,Dar gündə köməyə hazırdır.
2 Dünya alt-üst olsa da,Dağlar sarsılıb dənizin dibinə düşsə də, biz qorxmarıq.
3 Dənizin suları coşub köpüklənsə də,Kükrəyişindən dağlar titrəsə də, qorxmarıq. (Selah)
4 Bir çay var, suları Allahın şəhərinə,Haqq-Taalanın möhtəşəm, Müqəddəs çadırına sevinc axıdır.
5 Allah oradadır, o şəhər fəth edilməz,
Dan yeri söküləndə Allah onun dadına çatar.
6 Xalqlar coşar, səltənətlər sarsılar,Onun səsi guruldadı, yer üzü əridi.
7 Ordular Allahı Yehova bizimlədir!Yaqubun Allahı qalamızdır! (Selah)
8 Gəlin, Yehovanın gördüyü işlərə baxın,Görün yer üzündə necə heyrətli şeylər edib.
9 Yerin bir ucundan o biri ucunadək döyüşləri kəsir,
Kamanı qırır, nizəni sındırır,Cəng arabalarını* oda atır.
10 «Təslim olun, ey insanlar, bilin ki, Allah Mənəm.
Xalqlar arasında ucalacağam,Bütün dünyada ucalacağam».
11 Ordular Allahı Yehova bizimlədir!Yaqubun Allahı qalamızdır! (Selah)
