Zəbur 146:1—10

  • İnsanlara yox, Allaha güvənin

    • İnsan öləndə düşüncələri yox olur (4)

    • Yehova qəddi əyilənləri dikəldir (8)

146  Yaha alqış edin! Qoy bütün varlığım Yehovaya alqış etsin!   Ömrüm boyu Yehovaya alqış edərəm, Nə qədər ki varam, Allahımı nəğmələrdə tərənnüm edərəm.   Əsilzadələrə,Qurtuluş verə bilməyən bəşər oğluna güvənməyin.   Onun ruhu* çıxır, özü torpağa qayıdır,Düşüncələri həmin gündəcə yox olur.   Xoşbəxtdir o kəs ki, köməyi Yaqubun Allahıdır,Ümidi Allahı Yehovadır.   O Allah ki göyü, yeri,Dənizi, onları dolduran hər şeyi yaradıb,Həmişə sədaqətlidir,   Məzlumun haqqını qoruyur,Aclara çörək verir. Yehova məhbusları azad edir.   Yehova korların gözlərini açır,Yehova qəddi əyilənləri dikəldir,Yehova salehləri sevir.   Yehova qəribləri qoruyur,Yetimə, dul qadına arxadır,Pislərinsə niyyətini alt-üst edir. 10  Yehova əbədiyyən padşah olacaq,Ey Sion, Allahın nəsildən-nəslə padşah olacaq. Yaha alqış edin!

Haşiyələr