Psalms 21:1-13
Vir die musiekleier. ’n Melodie van Dawid.
21 O Jehovah, die koning is bly as gevolg van u krag.+
Hoe bly is hy tog oor u reddingsdade!+
2 U het hom die begeerte van sy hart gegee,+en u het nie die versoek van sy lippe geweier nie. (Sela)
3 Want u kom hom tegemoet met ryk seëninge.
U sit ’n kroon van suiwer* goud op sy kop.+
4 Hy het u vir lewe gevra, en u het dit vir hom gegee,+’n lang lewe,* vir ewig en altyd.
5 U reddingsdade bring vir hom groot heerlikheid.+
Waardigheid en prag gee u vir hom.
6 U maak hom vir ewig geseënd.+
U maak hom bly met die vreugde van u teenwoordigheid.+
7 Want die koning vertrou op Jehovah.+
As gevolg van die lojale liefde van die Allerhoogste sal hy altyd standvastig wees.*+
8 U hand sal al u vyande vind.
U regterhand sal u haters vind.
9 U sal hulle soos ’n vuuroond maak op die vasgestelde tyd wanneer u u aandag op hulle rig.
Jehovah sal hulle in sy woede vernietig, en vuur sal hulle verteer.+
10 U sal hulle nakomelinge* van die aarde af vernietig,en hulle nageslag onder die mense uit.
11 Want hulle wou aan u doen wat sleg is.+
Hulle het planne beraam wat nie suksesvol sal wees nie.+
12 Want u sal hulle laat terugtrek+deur u boog* op hulle te mik.
13 Staan op, o Jehovah, in u krag.
Ons sal lofliedere sing* tot die eer van u mag.
