Psalms 86:1-17

  • Geen god soos Jehovah nie

    • Jehovah gereed om te vergewe (5)

    • Al die nasies sal Jehovah aanbid (9)

    • ‘Onderrig my oor u weg’ (11)

    • “Verenig my hart” (11)

’n Gebed van Dawid. 86  Skenk aandag aan* my, o Jehovah, en antwoord my,want ek kry swaar en is arm.+   Bewaar my lewe, want ek is lojaal.+ Red u kneg wat op u vertrou,want u is my God.+   Wees genadig teenoor my, o Jehovah,+want ek roep die hele dag lank na u.+   Gee u kneg vreugde,want ek rig my tot u, o Jehovah.   Want u, o Jehovah, is goed+ en vergewe vryelik.+ U is vol lojale liefde vir almal wat u aanroep.+   Luister, o Jehovah, na my gebed,en skenk aandag aan my smekinge om hulp.+   Ek roep tot u op die dag wanneer ek in die moeilikheid is,+want u sal my antwoord.+   Daar is niemand soos u onder die gode nie, o Jehovah,+daar is geen werke soos u werke nie.+   Al die nasies wat u gemaak het,sal kom en voor u neerbuig, o Jehovah,+en hulle sal u naam verheerlik.+ 10  Want u is groot en doen wonderlike dinge.+ U is God, u alleen.+ 11  Leer my u weg, o Jehovah.+ Ek sal u weg van waarheid volg.+ Verenig my hart* om u naam te vrees.+ 12  Ek prys u, o Jehovah my God, met my hele hart,+en ek sal u naam vir ewig verheerlik, 13  want u lojale liefde vir my is groot,en u het my lewe gered uit die dieptes van die Graf.*+ 14  O God, vermetele* manne staan teen my op.+ ’n Bende wrede manne wil my doodmaak,en hulle het geen respek vir u nie.*+ 15  Maar u, o Jehovah, is ’n God wat genadig is en medelye* betoon,wat nie gou kwaad word nie en vol lojale liefde en getrouheid* is.+ 16  Skenk aandag aan my en gee my u goedkeuring.+ Gee u krag aan u kneg,+en red die seun van u slavin. 17  Gee vir my ’n teken* van u goedheid,sodat dié wat my haat dit kan sien en kan skaam kry. Want u, o Jehovah, is my helper en vertrooster.

Voetnote

Of “Buig neer en luister na”.
Of “Gee my ’n onverdeelde hart”.
Of “Sjeool”. Sien Woordelys.
Iemand is vermetel as hy iets doen wat hy nie die reg of gesag het om te doen nie.
Of “het u nie voor hulle gestel nie”.
Of “waarheid”.
Of “bewys”.