Psalms 109:1-31

  • Gebed van man wat teëgestaan word

    • ‘Laat iemand anders sy amp neem’ (8)

    • God staan aan arm man se sy (31)

Vir die musiekleier. Van Dawid. ’n Melodie. 109  O God wat ek loof,+ moenie stilbly nie.   Want die goddeloses en die bedrieglikes praat teen my. Hulle vertel leuens oor my.+   Hulle omsingel my met woorde van haat,en hulle val my aan sonder rede.+   In antwoord op my liefde staan hulle my teë,+maar ek hou aan bid.   Hulle betaal my terug met slegtheid vir die goeie wat ek doen+en met haat vir my liefde.+   Stel ’n goddelose persoon oor hom aan. Mag ’n teenstander* aan sy regterhand staan.   Laat hom skuldig* bevind word wanneer hy geoordeel word. Laat selfs sy gebed as sonde beskou word.+   Laat sy dae min wees.+ Laat iemand anders sy opsienersamp neem.+   Laat sy kinders* weeskinders word,en sy vrou ’n weduwee. 10  Laat sy kinders* bedelaars word wat ronddwaal,wat uit hulle verwoeste huise uitgaan om te gaan kos soek. 11  Laat sy skuldeiser alles wat hy het, wegneem,*en laat vreemdelinge sy besittings neem. 12  Laat niemand goedhartigheid* aan hom betoon nie,en laat niemand goed wees vir sy vaderlose kinders nie. 13  Laat sy nakomelinge uitgeroei word.+ Laat hulle naam binne een geslag uitgewis word. 14  Mag Jehovah die oortreding van sy voorvaders onthou,+en mag die sonde van sy ma nie uitgewis word nie. 15  Mag Jehovah altyd onthou wat hulle gedoen het,en mag hy die herinnering aan hulle van die aarde af uitroei.+ 16  Want hy het nie daaraan gedink om goedhartigheid* te betoon nie,+maar hy het enigiemand wat onderdruk is,+ wat arm is of wie se hart gebreek is, bly agternasitsodat hy hom kan doodmaak.+ 17  Hy was lief daarvoor om ’n vloek uit te spreek, en dit is presies wat oor hom gekom het. Hy het geen begeerte gehad om te seën nie, en daarom het hy geen seën ontvang nie. 18  Hy het vervloekinge as sy kledingstuk gedra. Dit is soos water in sy liggaam ingegooi,soos olie in al sy bene. 19  Laat sy vervloekinge wees soos die klere waarin hy hom toedraai+en soos ’n lyfband wat hy altyd dra. 20  Dít is die betaling wat Jehovah gee aan die een wat my teëstaan+en aan dié wat slegte dinge van my sê. 21  Maar Soewereine Heer Jehovah,help my ter wille van u naam.+ Red my, want u lojale liefde is goed.+ 22  Ek is hulpeloos en arm,+en my hart is gebreek binne-in my.+ 23  Ek kom aan my einde soos ’n skaduwee wat verdwyn. Ek is afgeskud soos ’n sprinkaan. 24  My knieë is swak omdat ek vas. Ek is maer, en ek teer weg.* 25  Hulle spot my.+ Wanneer hulle my sien, skud hulle hulle koppe.+ 26  Help my, o Jehovah my God. Red my deur u lojale liefde. 27  Laat hulle weet dat dit deur u hand is,dat u, o Jehovah, dit gedoen het. 28  Laat hulle ’n vloek uitspreek, maar mag u ’n seën uitspreek. Laat hulle verneder word wanneer hulle teen my opstaan,maar laat u kneg bly wees. 29  Laat dié wat my teëstaan, met vernedering geklee word. Mag hulle hulle skande dra soos ’n kledingstuk.*+ 30  My mond sal Jehovah vurig prys. Ek sal hom voor baie mense loof.+ 31  Want hy sal aan die regterhand van die arme staanom hom te red van dié wat hom veroordeel.

Voetnote

Of “beskuldiger”.
Of “goddeloos”.
Lett. “seuns”.
Lett. “seuns”.
Of “strikke vir hom stel”.
Of “lojale liefde”.
Of “lojale liefde”.
Lett. “My vlees het maer geword, sonder vettigheid (olie)”.
Of “moulose oorkleed”.