Psalms 62:1-12

  • Ware redding kom van God

    • “Ek wag in stilte op God” (1, 5)

    • ‘Stort julle hart voor God uit’ (8)

    • Mense is soos asem (9)

    • Moenie op rykdom vertrou nie (10)

Vir die musiekleier: Van Jeduʹtun.* ’n Melodie van Dawid. 62  Ek wag in stilte op God. My redding kom van hom.+   Hy is my rots en my redding, my veilige skuilplek.*+ Ek sal altyd standvastig wees.*+   Hoe lank sal julle ’n man aanval om hom te vermoor?+ Julle almal is so gevaarlik soos ’n muur wat skuins staan, ’n klipmuur wat gaan omval.*   Hulle bespreek hoe hulle hom uit sy hoë posisie* kan stoot. Hulle geniet dit om te lieg. Hulle seën met hulle mond, maar in hulle binneste spreek hulle ’n vloek uit.+ (Sela)   Ek wag in stilte op God,+want my hoop kom van hom.+   Hy is my rots en my redding, my veilige skuilplek. Ek sal altyd standvastig wees.+   My redding en my heerlikheid hang van God af. God is my sterk rots, my skuilplek.+   Vertrou te alle tye op hom, o volk. Stort julle hart voor hom uit.+ God is vir ons ’n skuilplek.+ (Sela)   Mense is maar net soos asem. Die mensekinders is onbetroubaar en bedrieglik.+ Wanneer hulle saam op die weegskaal gesit word, is hulle ligter as asem.+ 10  Moenie op afpersing staatmaakof dink dat julle suksesvol sal wees deur ander te beroof nie. As julle rykdom vermeerder, moet julle nie julle hart daarop sit nie.+ 11  Een keer het God gepraat, ja, twee keer het ek dit gehoor: Krag behoort aan God.+ 12  Lojale liefde behoort ook aan u, o Jehovah,+want u beloon elkeen volgens sy dade.+

Voetnote

Of “veilige hoogte”.
Of “nooit erg geskud word nie”.
Of moontlik “Julle almal, asof hy ’n muur is wat skuins staan, ’n klipmuur wat gaan omval”.
Of “sy waardigheid”.