Psalms 69:1-36

  • Gebed vir redding

    • “Ywer vir u huis het my verteer” (9)

    • “Antwoord my gou” (17)

    • ‘Hulle het my asyn laat drink’ (21)

Vir die musiekleier: Op die wysie van “Die lelies”. Van Dawid. 69  Red my, o God, want die water bedreig my lewe.+   Ek het in die diep modder weggesink, met geen vaste grond onder my nie.+ Ek het in diep water beland,en die kragtige stroom het my weggespoel.+   Ek is uitgeput van my geroep,+en my keel het hees geword. My oë het moeg geword terwyl ek op my God gewag het.+   Dié wat my sonder rede haat,+is meer as die hare op my kop. Dié wat my wil doodmaak,my bedrieglike vyande,* het baie geword. Ek is gedwing om dinge te oorhandig wat ek nie gesteel het nie.   O God, u weet dat ek dwaas opgetree het,en my skuld is nie vir u weggesteek nie.   Mag dié wat op u hoop, nie as gevolg van my in die skande gesteek word nie,o Soewereine Heer, Jehovah van die leërmagte. Mag dié wat u dien,* nie as gevolg van my verneder word nie,o God van Israel.   Ek word beledig ter wille van u.+ Skande bedek my gesig.+   Ek het vir my broers ’n vreemdeling geword,’n uitlander vir die seuns van my moeder.+   Ywer vir u huis het my verteer,+en die beledigings van dié wat u beledig, het op my neergekom.+ 10  Toe ek my verneder het deur te vas,*is ek beledig daarvoor. 11  Toe ek saklinne aangetrek het,het ek vir hulle ’n bespotting* geword. 12  In die stadspoort word daar van my gepraat,en die dronkaards sing liedjies oor my. 13  Maar mag my gebed u bereik,o Jehovah, op u bestemde tyd.+ U is vol lojale liefde, o God,antwoord my met u reddingsdade, wat betroubaar is.+ 14  Red my uit die modder. Moet my nie laat wegsink nie. Red my van dié wat my haaten uit die diep waters.+ 15  Moenie toelaat dat die kragtige vloedwaters my wegspoel+of dat die diepte my inslukof dat die put sy mond oor my toemaak nie.+ 16  Antwoord my, o Jehovah, want u lojale liefde is goed.+ Skenk aandag aan my in ooreenstemming met u groot genade,+ 17  en moenie u gesig van u kneg af wegdraai nie.+ Antwoord my gou, want ek is in groot moeilikheid.+ 18  Kom na my toe en red my. Verlos my van my vyande. 19  U is bewus van die beledigings, die skande en die vernedering wat ek verduur.+ U sien al my vyande. 20  Die beledigings het my hart gebreek, en die wond is ongeneeslik.* Ek het gehoop om simpatie te kry, maar daar was niks nie,+en dat iemand my sal vertroos, maar daar was niemand nie.+ 21  Maar hulle het vir my gif* as voedsel gegee,+en toe ek dors was, het hulle my asyn laat drink.+ 22  Laat hulle tafel vir hulle ’n strik word,en hulle voorspoed ’n vangnet.+ 23  Laat hulle oë blind word sodat hulle nie kan sien nie,en laat hulle heupe heeltyd bewe. 24  Stort u woede* oor hulle uit,en laat u brandende woede hulle inhaal.+ 25  Laat hulle kamp* verlate word. Laat daar geen inwoner in hulle tente wees nie.+ 26  Want hulle sit die een agterna wat deur u geslaan is,en hulle bly vertel van die pyne van dié wat deur u gewond is. 27  Voeg nog skuld by hulle skuld,en mag hulle geen deel aan u regverdigheid hê nie. 28  Laat hulle uit die boek van die lewendes* uitgewis word,+en mag hulle nie saam met die regverdiges ingeskryf word nie.+ 29  Maar ek kry swaar en ek is in pyn.+ Mag u reddingskrag my beskerm, o God. 30  Ek sal liedere sing om die naam van God te loof,en ek sal hom met danksegging verheerlik. 31  Jehovah sal dit verkies bo bulle,bo jong bulle met horings en hoewe.+ 32  Die nederiges sal dit sien en sal bly wees. Julle wat God dien,* mag julle hart nuwe krag kry. 33  Want Jehovah luister na die armes,+en hy sal sy gevange volk nie verwerp nie.+ 34  Laat hemel en aarde hom loof,+die seë en alles wat daarin beweeg. 35  Want God sal Sion red+en die stede van Juda herbou. Hulle sal daar woon en dit* besit. 36  Die nakomelinge van sy knegte sal dit erf,+en dié wat sy naam liefhet,+ sal daarin woon.

Voetnote

Of “vyande sonder rede”.
Lett. “soek”.
Of moontlik “Toe ek gehuil en gevas het”.
Lett. “’n spreekwoord”.
Of “en ek is op die punt om hoop te verloor”.
Of “’n giftige plant”.
Of “verontwaardiging”.
Of “ommuurde kamp”.
Of “boek van die lewe”.
Lett. “soek”.
D.w.s. die land.