Psalms 104:1-35

  • God geloof vir wonders van skepping

    • Aarde sal vir ewig bly bestaan (5)

    • Wyn en brood vir sterflike mens (15)

    • “Hoe baie is u werke!” (24)

    • ‘As hulle gees weggeneem word, sterf hulle’ (29)

104  Ek* sal Jehovah loof.+ O Jehovah my God, u is baie groot.+ U is met majesteit* en prag geklee.+   U is met lig omvou+ soos met ’n kleed. U span die hemel uit soos ’n tentdoek.+   Hy lê die balke van sy bo⁠-⁠kamers in die water daar bo*+en maak die wolke sy strydwa+en beweeg op die vlerke van die wind.+   Hy maak sy engele geeste,sy dienaars ’n verterende vuur.+   Hy het die aarde op sy fondamente gevestig.+ Dit sal vir ewig en altyd nie uit sy plek verskuif word* nie.+   U het dit met diep water bedek soos met ’n kleed.+ Die water het bo die berge gestaan.   U het hulle bestraf, en hulle het gevlug.+ Toe hulle die geluid van u donderslae hoor, het hulle in paniek weggehardloop   – berge het opgerys+ en valleie het weggesink –na die plek wat u vir hulle vasgestel het.   U het ’n grens gestel wat hulle nie mag oorskry nie,+sodat hulle die aarde nooit weer sou bedek nie. 10  Hy stuur water na die valleie.* Dit vloei tussen die berge deur. 11  Hulle voorsien water vir al die wilde diere van die veld. Daar les die wildedonkies hulle dors. 12  Bo hulle woon die voëls van die hemel. Hulle sing tussen die digte blare. 13  Hy gee die berge water uit sy bo-kamers.+ Met die vrug van u werke word die aarde versadig.+ 14  Hy laat gras groei vir die beeste,en plante vir die mensdom om te gebruik.+ Hy doen dit om voedsel uit die grond te laat voortkom: 15  wyn wat die hart van die mens vrolik maak,+olie wat die gesig laat blinken brood wat die hart van die sterflike mens nuwe krag gee.+ 16  Die bome van Jehovah word versadig,die sederbome van Liʹbanon wat hy geplant het, 17  waar die voëls nes maak. Die ooievaar woon+ in die jenewerbome. 18  Die hoë berge is vir die bergbokke.+ Die kranse is ’n skuiling vir die klipdassies.+ 19  Hy het die maan gemaak om die vasgestelde tye aan te dui. Die son weet goed wanneer om te sak.+ 20  U bring die donkerte, en dit word nag,+die tyd wanneer al die wilde diere van die woud rondbeweeg. 21  Die jong leeus* brul vir hulle prooi+en soek hulle voedsel by God.+ 22  Wanneer die son opkom,keer hulle terug en gaan lê hulle in hulle lêplekke. 23  Die mens gaan na sy werk,en hy werk tot die aand toe. 24  Hoe baie is u werke, o Jehovah!+ U het hulle almal met wysheid gemaak.+ Die aarde is vol van wat u gemaak het. 25  Daar is die see, so groot en wyd,wat wemel van ontelbare lewende dinge, klein sowel as groot.+ 26  Daar vaar die skepe,en daar speel die Leviaʹtan,*+ wat u gemaak het. 27  Hulle almal wag dat uhulle voedsel vir hulle op die regte tyd moet gee.+ 28  Wat u hulle gee, maak hulle bymekaar.+ Wanneer u u hand oopmaak, word hulle met goeie dinge versadig.+ 29  Wanneer u u gesig wegdraai, raak hulle onrustig. As u hulle gees wegneem, sterf hulle en keer hulle terug na die stof.+ 30  As u u gees uitstuur, word hulle geskep,+en u hernu die oppervlak van die grond. 31  Die heerlikheid van Jehovah sal vir ewig duur. Jehovah sal vreugdevol wees as gevolg van sy werke.+ 32  Hy kyk na die aarde, en dit bewe. Hy raak aan die berge, en hulle rook.+ 33  Ek sal my hele lewe lank vir Jehovah sing.+ Ek sal lofliedere sing* vir my God solank as wat ek lewe.+ 34  Laat my gedagtes vir hom aangenaam wees.* Ek sal vreugdevol wees as gevolg van Jehovah. 35  Die sondaars sal van die aarde af verdwyn,en die goddeloses sal nie meer bestaan nie.+ Ek sal Jehovah loof. Loof Jah!*

Voetnote

Of “My siel”.
Of “waardigheid”.
Lett. “in die waters”.
Of “wankel”.
Of “wadi’s”. Sien Woordelys.
Of “jong maanhaarleeus”.
Of “musiek maak”.
Of moontlik “Laat my bepeinsing oor hom aangenaam wees”.
Of “Halleluja!” “Jah” is ’n verkorte vorm van die naam Jehovah.