Psalms 99:1-9

  • Jehovah, heilige Koning

    • Op sy troon bo gerubs (1)

    • ’n God wat vergewe en straf (8)

99  Jehovah het Koning geword.+ Laat die volke bewe. Hy sit op sy troon bo* die gerubs.+ Laat die aarde skud.   Jehovah is groot in Sion,en hy is hoog bo al die volke.+   Laat hulle u groot naam prys,+want dit is ontsagwekkend en heilig.   Hy is ’n magtige koning wat lief is vir geregtigheid.+ U het regverdigheid stewig gevestig. U het gesorg dat daar geregtigheid en regverdigheid+ in Jakob is.   Verheerlik Jehovah ons God,+ en buig neer* voor sy voetbank.+ Hy is heilig.+   Moses en Aäron was onder sy priesters,+en Samuel was onder dié wat sy naam aangeroep het.+ Hulle het Jehovah aangeroep,en hy het hulle geantwoord.+   Hy het uit die wolkkolom met hulle gepraat.+ Hulle het sy herinneringe en die bevel wat hy vir hulle gegee het, gehoorsaam.+   O Jehovah ons God, u het hulle geantwoord.+ U was ’n God wat hulle vergewe het,+maar u het hulle gestraf* vir hulle sondige dade.+   Verheerlik Jehovah ons God,+en buig neer* voor sy heilige berg,+want Jehovah ons God is heilig.+

Voetnote

Of moontlik “tussen”.
Of “aanbid”.
Lett. “wraak uitgeoefen teen hulle”.
Of “aanbid”.