Psalms 33:1-22

  • Skepper word geloof

    • “Sing vir hom ’n nuwe lied” (3)

    • Skepping deur Jehovah se woord en gees (6)

    • Jehovah se nasie is gelukkig (12)

    • Jehovah se waaksame oog (18)

33  Roep uit van vreugde, o regverdiges, as gevolg van Jehovah.+ Dit is gepas dat dié wat reg lewe, hom loof.   Loof Jehovah met die harp. Sing lofliedere* vir hom met ’n tiensnarige instrument.   Sing vir hom ’n nuwe lied.+ Speel met vaardigheid op die snaarinstrumente en roep uit van vreugde.   Want die woord van Jehovah is reg,+en alles wat hy doen, is betroubaar.   Hy is lief vir regverdigheid en geregtigheid.+ Die aarde is gevul met Jehovah se lojale liefde.+   Deur die woord van Jehovah is die hemel gemaak,+en alles daarin* deur die gees* van sy mond.   Hy maak die seewaters soos ’n dam bymekaar.+ Hy sit die onstuimige waters in stoorkamers.   Laat die hele aarde Jehovah vrees.+ Laat die inwoners van die vrugbare land ontsag vir hom hê.   Want hy het gepraat, en dit was so.+ Hy het die bevel gegee, en dit het stewig gestaan.+ 10  Jehovah het die planne* van die nasies op niks laat uitloop.+ Hy het die planne* van die volke laat misluk.+ 11  Maar die besluite* van Jehovah sal vir ewig bly staan.+ Die gedagtes van sy hart is van geslag tot geslag. 12  Gelukkig is die nasie wie se God Jehovah is,+die volk wat hy as sy eie besitting gekies het.+ 13  Jehovah kyk af vanuit die hemel. Hy sien al die mense.+ 14  Vanuit sy woonplekkyk hy aandagtig na die inwoners van die aarde. 15  Hy is die Een wat almal se harte vorm. Hy ondersoek al hulle werke.+ 16  Geen koning word deur ’n groot leërmag gered nie.+ ’n Magtige man word nie deur sy groot krag gered nie.+ 17  Die perd is ’n valse hoop op redding,*+en sy groot krag verseker nie dat ’n mens sal wegkom nie. 18  Kyk! Die oog van Jehovah waak oor dié wat hom vrees,+dié wat op sy lojale liefde wag, 19  om hulle van die dood te red,en om hulle tydens hongersnood aan die lewe te hou.+ 20  Ons wag op Jehovah. Hy is ons helper en ons skild.+ 21  Ons harte is bly danksy hom,want ons vertrou op sy heilige naam.+ 22  Mag u lojale liefde op ons rus, o Jehovah,+terwyl ons vir u bly wag.+

Voetnote

Of “Maak musiek”.
Lett. “al hulle leërmagte”.
Of “asem”.
Of “raad”.
Of “gedagtes”.
Of “raad”.
Of “oorwinning”.