Psalms 71:1-24
71 By u, o Jehovah, het ek beskerming kom soek.
Mag ek nooit verneder word nie.+
2 Red my en verlos my in u regverdigheid.
Skenk aandag aan* my en red my.+
3 Word vir my ’n rotsvestingwaar ek altyd kan ingaan.
Beveel dat ek gered word,want u is my groot rots en my vesting.+
4 O my God, red my uit die hand van die goddelose,+uit die greep van die onregverdige onderdrukker.
5 Want u is my hoop, o Soewereine Heer Jehovah.
Ek het van jongs af op u vertrou.+
6 Ek het van geboorte af op u staatgemaak.
Dit was u wat my uit die baarmoeder geneem het.+
Ek prys u voortdurend.
7 Baie was verstom toe hulle sien wat met my gebeur het,maar u is my veilige skuilplek.
8 My mond is vol lof vir u.+
Die hele dag lank vertel ek van u heerlikheid.
9 Moenie my verstoot op my oudag nie.+
Moenie my verlaat wanneer ek nie meer krag het nie.+
10 My vyande praat teen my,en dié wat my wil doodmaak, beraam planne teen my+
11 en sê: “God het hom verlaat.
Sit hom agterna en vang hom, want daar is niemand om hom te red nie.”+
12 O God, moenie ver van my af bly nie.
O my God, kom gou en help my.+
13 Mag dié wat my teëstaan,verneder word en vernietig word.+
Mag dié wat rampspoed oor my wil bring,met skande en vernedering bedek word.+
14 Maar wat my betref, ek sal bly wag.
Ek sal bydra tot u lof.
15 My mond sal u regverdigheid verkondig,+u reddingsdade, die hele dag lank,al is dit te veel vir my om te begryp.*+
16 Ek sal van u magtige dade kom vertel,o Soewereine Heer Jehovah.
Ek sal van niemand anders se regverdigheid praat nie.
17 O God, u het my van jongs af geleer,+en tot nou toe bly ek u wonderlike werke verkondig.+
18 Selfs wanneer ek oud en grys is, o God, moet u my nie verlaat nie.+
Laat ek die volgende geslag van u krag* vertel,en laat ek almal wat nog moet kom, van u mag vertel.+
19 U regverdigheid, o God, strek tot by die hoogtes.+
U het groot dinge gedoen.
O God, wie is soos u?+
20 U het my soveel moeilike tye en rampspoed laat ondervind,+maar gee my tog nuwe krag.
Laat my opkom uit die dieptes* van die aarde.+
21 Mag u my grootheid vermeerderen my met u beskerming omring en my vertroos.
22 Dan sal ek u met ’n snaarinstrument prysas gevolg van u getrouheid, o my God.+
Ek sal vir u lofliedere sing* terwyl ek op die harp speel,o Heilige van Israel.
23 My lippe sal vreugdevol uitroep terwyl ek lofliedere vir u sing,+want u het my lewe gered.+
24 My tong sal die hele dag lank van u regverdigheid praat,*+want dié wat my wil vernietig, sal skaam kry en verneder word.+
Voetnote
^ Of “Buig neer en luister na”.
^ Of “tel”.
^ Lett. “arm”.
^ Of “waterdieptes”.
^ Of “musiek maak”.
^ Of “oor u regverdigheid nadink”.
