Psalms 135:1-21

  • Loof Jah vir sy grootheid

    • Tekens en wonderwerke teen Egipte (8, 9)

    • “U naam bly vir ewig” (13)

    • Lewelose afgode (15-18)

135  Loof Jah!* Loof die naam van Jehovah. Bring lof, o knegte van Jehovah,+   julle wat in die huis van Jehovah staan,in die voorhowe van die huis van ons God.+   Loof Jah, want Jehovah is goed.+ Sing liedere* om sy naam te loof, want dit is aangenaam.   Want Jah het Jakob vir hom uitgekies,Israel as sy spesiale eiendom.*+   Want ek weet goed dat Jehovah groot is. Ons Here is groter as alle ander gode.+   Jehovah doen alles wat hy wil doen,+in die hemel en op die aarde, in die seë en in al die dieptes.   Hy laat wolke* van die eindes van die aarde af opstyg. Hy maak weerlig* vir die reën,en hy bring die wind uit sy stoorkamers uit.+   Hy het die eersgeborenes van Egipte doodgemaak,mens sowel as dier.+   Hy het tekens en wonderwerke tussen julle ingestuur, o Egipte,+teen Farao en al sy knegte.+ 10  Hy het baie nasies verslaan+en magtige konings doodgemaak:+ 11  Sihon, die koning van die Amoriete,+Og, die koning van Basan,+en al die koninkryke van Kanaän. 12  Hy het hulle land as ’n erfdeel gegee,as ’n erfdeel aan sy volk Israel.+ 13  O Jehovah, u naam bly vir ewig. O Jehovah, u roem* duur van geslag tot geslag.+ 14  Want Jehovah sal sy volk verdedig,*+en hy sal medelye* hê met* sy knegte.+ 15  Die afgode van die nasies is silwer en goud,die werk van mensehande.+ 16  Hulle het ’n mond, maar hulle kan nie praat nie,+oë, maar hulle kan nie sien nie. 17  Hulle het ore, maar hulle kan nie hoor nie. Daar is geen asem in hulle mond nie.+ 18  Die mense wat hulle maak, sal net soos hulle word,+en so ook almal wat op hulle vertrou.+ 19  O huis van Israel, loof Jehovah. O huis van Aäron, loof Jehovah. 20  O huis van Levi, loof Jehovah.+ Julle wat Jehovah vrees, loof Jehovah. 21  Mag Jehovah vanuit Sion geloof word,+hy wat in Jerusalem woon.+ Loof Jah!+

Voetnote

Of “Halleluja!” “Jah” is ’n verkorte vorm van die naam Jehovah.
Of “Maak musiek”.
Of “kosbare besitting”.
Of “dampe”.
Of moontlik “sluise”.
Of “naam”. Lett. “gedagtenis”.
Of “die regsaak van sy volk verdedig”.
Of “spyt voel oor”.