Awit 84:1-12
Para sa tagapangasiwa ng Gitit.+ Ng mga anak ni Kora. Isang awitin.
84 Kay ganda ng iyong maringal na tabernakulo,+O Jehova ng mga hukbo!+
2 Ninanasa at minimithi rin ng aking kaluluwa ang mga looban ni Jehova.+Ang aking puso at ang akin mismong laman ay humihiyaw nang may kagalakan sa Diyos na buháy.+
3 Maging ang ibon man ay nakasumpong ng bahay,At ang langay-langayan ng pugad para sa kaniyang sarili,Kung saan niya inilalagay ang kaniyang mga inakáy—Ang iyong maringal na altar, O Jehova ng mga hukbo, aking Hari at aking Diyos!
4 Maligaya ang mga tumatahan sa iyong bahay!+Palagi ka pa rin nilang pinupuri.+ Selah.
5 Maligaya ang mga tao na ang lakas ay nasa iyo,+Na nasa kanilang puso ang mga lansangang-bayan.+
6 Sa pagdaraan sa mababang kapatagan ng mga palumpong na baca,+Ginagawa nila itong isang bukal;Binabalutan ng tagapagturo+ ang kaniyang sarili ng mga pagpapala.
7 Sila ay lalakad sa kalakasan at kalakasan;+Ang bawat isa ay humaharap sa Diyos sa Sion.+
8 O Jehova na Diyos ng mga hukbo, dinggin mo ang aking panalangin;+Pakinggan mo, O Diyos ni Jacob.+ Selah.
9 O aming kalasag, tingnan mo, O Diyos,+At tumingin ka sa mukha ng iyong pinahiran.+
10 Sapagkat ang isang araw sa iyong mga looban ay mas mabuti kaysa sa isang libo sa ibang dako.+Pinili kong tumayo sa pintuan ng bahay ng aking Diyos+Sa halip na maglibot sa mga tolda ng kabalakyutan.+
11 Sapagkat ang Diyos na Jehova ay araw+ at kalasag;+Lingap at kaluwalhatian ang ibinibigay niya.+Si Jehova ay hindi magkakait ng anumang mabuti sa mga lumalakad sa kawalang-pagkukulang.+
12 O Jehova ng mga hukbo, maligaya ang tao na nagtitiwala sa iyo.+
