Awit 83:1-18
Isang awit. Awitin ni Asap.+
83 O Diyos, huwag nawang magkaroon ng katahimikan sa ganang iyo;+Huwag kang manatiling walang imik, at huwag kang manahimik, O Makapangyarihan.+
2 Sapagkat, narito! ang iyo mismong mga kaaway ay nagkakagulo;+At ang mga masidhing napopoot sa iyo ay nagtaas ng kanilang ulo.+
3 May-katusuhan nilang isinasagawa ang kanilang lihim na usapan laban sa iyong bayan;+At nagsasabuwatan sila laban sa iyong mga nakakubli.+
4 Sinabi nila: “Halikayo at pawiin natin sila mula sa pagiging isang bansa,+Upang ang pangalan ng Israel ay hindi na maalaala pa.”+
5 Sapagkat sa puso ay may-pagkakaisa silang nagsanggunian;+Laban sa iyo ay nagtibay sila ng isang tipan,+
6 Ang mga tolda ng Edom+ at ng mga Ismaelita, ng Moab+ at ng mga Hagrita,+
7 Ng Gebal at ng Ammon+ at ng Amalek,Ng Filistia+ kasama ng mga tumatahan sa Tiro.+
8 Gayundin, ang Asirya ay sumama sa kanila;+Sila ay naging bisig ng mga anak ni Lot.+ Selah.
9 Gawin mo sa kanila ang gaya ng sa Midian,+ gaya ng kay Sisera,+Gaya ng kay Jabin+ sa agusang libis ng Kison.+
10 Nilipol sila sa En-dor;+Sila ay naging dumi para sa lupa.+
11 Kung tungkol sa kanilang mga taong mahal, gawin mo silang tulad ni Oreb at tulad ni Zeeb,+At tulad ni Zeba at tulad ni Zalmuna ang lahat ng kanilang mga duke,+
12 Na nagsabi: “Ariin natin ang mga tinatahanang dako ng Diyos para sa ating sarili.”+
13 O Diyos ko, gawin mo silang tulad ng gumugulong na dawag,+Tulad ng pinaggapasan sa harap ng hangin.+
14 Tulad ng apoy na sumusunog sa kagubatan+At tulad ng liyab na tumutupok ng mga bundok,+
15 Gayon mo nawa sila tugisin ng iyong unos+At ligaligin mo nawa sila ng iyong bagyong hangin.+
16 Lipusin mo ang kanilang mga mukha ng kasiraang-puri,+Upang hanapin ng mga tao ang iyong pangalan, O Jehova.+
17 O mapahiya nawa sila at maligalig sa habang panahon,+At malito nawa sila at malipol;+
18 Upang malaman ng mga tao+ na ikaw, na ang pangalan ay Jehova,+Ikaw lamang ang Kataas-taasan+ sa buong lupa.+
