Awit 61:1-8
Sa tagapangasiwa ng mga panugtog na de-kuwerdas. Ni David.
61 Dinggin mo, O Diyos, ang aking pagsusumamo.+Bigyang-pansin mo ang aking panalangin.+
2 Mula sa dulo ng lupa ay sisigaw ako, sa iyo nga, kapag nanghina ang aking puso.+Patnubayan mo nawa ako sa ibabaw ng bato na mas mataas kaysa sa akin.+
3 Sapagkat ikaw ay naging isang kanlungan para sa akin,+Isang matibay na tore sa harap ng kaaway.+
4 Ako ay magiging panauhin sa iyong tolda hanggang sa mga panahong walang takda;+Manganganlong ako sa kublihan ng iyong mga pakpak.+ Selah.
5 Sapagkat ikaw, O Diyos, ay nakinig sa aking mga panata.+Ibinigay mo sa akin ang pag-aari niyaong mga may takot sa iyong pangalan.+
6 Mga araw ay idaragdag mo sa mga araw ng hari;+Ang kaniyang mga taon ay magiging tulad ng sali’t salinlahi.+
7 Mananahanan siya hanggang sa panahong walang takda sa harap ng Diyos;+O mag-atas ka ng maibiging-kabaitan at katapatan, upang maingatan siya ng mga ito.+
8 Kaya aawit ako sa iyong pangalan magpakailanman,+Upang matupad ko ang aking mga panata sa araw-araw.+
