Awit 149:1-9
149 Purihin ninyo si Jah!+Umawit kayo kay Jehova ng isang bagong awit,+Ng papuri sa kaniya sa kongregasyon ng mga matapat.+
2 Magsaya nawa ang Israel sa kaniyang Dakilang Maylikha,+Ang mga anak ng Sion—magalak nawa sila sa kanilang Hari.+
3 Purihin nawa nila ang kaniyang pangalan nang may sayawan.+Tumugtog nawa sila para sa kaniya na may tamburin at alpa.+
4 Sapagkat si Jehova ay nalulugod sa kaniyang bayan.+Pinagaganda niya ng kaligtasan ang maaamo.+
5 Magbunyi nawa sa kaluwalhatian ang mga matapat;Humiyaw nawa sila nang may kagalakan sa kanilang mga higaan.+
6 Mapasakanilang lalamunan nawa ang mga awit na dumadakila sa Diyos,+At mapasakanilang kamay nawa ang isang tabak na may dalawang talim,+
7 Upang maglapat ng paghihiganti sa mga bansa,+Ng mga pagsaway sa mga liping pambansa,+
8 Upang gapusin ng mga pampataw ang kanilang mga hari+At ng mga pangaw na bakal ang kanilang mga maluwalhati,
9 Upang ilapat sa kanila ang nasusulat na hudisyal na pasiya.+Ang gayong karilagan ay nauukol sa lahat ng kaniyang mga matapat.+Purihin ninyo si Jah!+
