Salimo 91:1-16
91 Aliyense amene akukhala mʼmalo obisika a Wamʼmwambamwamba+Adzakhala mumthunzi wa Wamphamvuyonse.+
2 Ndidzauza Yehova kuti: “Inu ndinu malo anga othawirako komanso malo anga achitetezo,+Mulungu wanga amene ndimamukhulupirira.”+
3 Chifukwa iye adzakupulumutsa mumsampha wa wosaka mbalame,Komanso ku mliri wowononga.
4 Adzakuphimba ndi mapiko ake,Ndipo udzathawira pansi pa mapiko ake.*+
Kukhulupirika kwake+ kudzakhala chishango chako chachikulu+ komanso khoma lokuteteza.
5 Usiku sudzaopa choopsa chilichonse,+Kapena muvi woponyedwa masana,+
6 Sudzaopa mliri umene umafalikira mumdima,Kapena chiwonongeko chimene chimachitika masana.
7 Anthu 1,000 adzagwa pambali pako,Ndipo anthu 10,000 adzagwa kudzanja lako lamanja.Koma palibe choipa chilichonse chimene chidzakuchitikire.+
8 Maso ako adzaona zimenezi zikuchitika,Pamene anthu oipa akulandira chilango.*
9 Popeza wanena kuti: “Yehova ndi malo anga othawirako,”
Wapanga Wamʼmwambamwamba kuti akhale malo ako okhalamo.+
10 Palibe tsoka limene lidzakugwere,+Ndipo palibe mliri umene udzayandikire tenti yako.
11 Chifukwa adzalamula angelo ake+ zokhudza iwe,Kuti akuteteze mʼnjira zako zonse.+
12 Iwo adzakunyamula mʼmanja mwawo,+Kuti phazi lako lisawombe mwala.+
13 Udzapondaponda mkango wamphamvu ndi njoka ya mamba,Ndipo udzapondaponda mkango wamphamvu kwambiri komanso chinjoka chachikulu.+
14 Mulungu ananena kuti: “Popeza amandikonda,* ine ndidzamupulumutsa.+
Ndidzamuteteza chifukwa akudziwa* dzina langa.+
15 Adzandiitana ndipo ndidzamuyankha.+
Ndidzakhala naye pa nthawi ya mavuto.+
Ndidzamupulumutsa komanso kumupatsa ulemerero.
16 Ndidzamupatsa moyo wautali,+Ndipo ndidzamuchititsa kuti aone mmene ndidzamupulumutsire.”*+
