Salimo 32:1-11
Salimo la Davide. Masikili.*
32 Wosangalala ndi munthu amene zolakwa zake zakhululukidwa, amene machimo ake akhululukidwa.+
2 Wosangalala ndi munthu amene Yehova sakumuona kuti ndi wolakwa,+Amene alibe mtima wachinyengo.
3 Pamene ndinakhala chete osaulula machimo anga, mafupa anga anafooka, chifukwa ndinkavutika mumtima mwanga tsiku lonse.+
4 Dzanja lanu linkandilemera* masana ndi usiku.+
Mphamvu zanga zinauma* ngati madzi mʼnyengo yotentha yachilimwe. (Selah)
5 Pamapeto pake ndinaulula tchimo langa kwa inu,Sindinabise cholakwa changa.+
Ndinati: “Ndidzaulula machimo anga kwa Yehova.”+
Ndipo inu munandikhululukira zolakwa zanga ndi machimo anga.+ (Selah)
6 Nʼchifukwa chake aliyense wokhulupirika adzapemphera kwa inu+Mwayi wokuyandikirani udakalipo.+
Akatero ngakhale madzi osefukira sadzamupeza.
7 Ndinu malo anga obisalamo,Mudzanditeteza ku mavuto.+
Mwachititsa kuti ndizunguliridwe ndi anthu amene akufuula mosangalala chifukwa chakuti mwandipulumutsa.+ (Selah)
8 Inu munati: “Ndidzakupatsa nzeru komanso kukulangiza njira yoti uyendemo.+
Ndidzakupatsa malangizo ndi kukuyangʼanira.+
9 Anthu inu, musakhale ngati hatchi kapena nyulu* yosazindikira,+Imene munthu amachita kuimanga chingwe pakamwa pake kuti athetse kupulupudza kwake,Akatero mʼpamene imatha kumuyandikira.”
10 Zopweteka za woipa ndi zambiri.Koma wokhulupirira Yehova amatetezedwa ndi chikondi Chake chokhulupirika.+
11 Inu olungama, kondwerani chifukwa cha zimene Yehova wachita ndipo sangalalani.Fuulani mosangalala inu nonse owongoka mtima.
Mawu a M'munsi
^ Onani Matanthauzo a Mawu Ena.
^ Kapena kuti, “Mkwiyo wanu unkandilemera”
^ Kapena kuti, “Chinyontho cha moyo wanga chinasintha.”
^ “Nyulu” ndi nyama yooneka ngati hatchi.
