Salimo 73:1-28
Nyimbo ya Asafu.+
73 Mulungu ndi wabwinodi kwa Isiraeli, kwa anthu oyera mtima.+
2 Koma ine mapazi anga anangotsala pangʼono kusochera,Mapazi anga anangotsala pangʼono kuterereka.+
3 Chifukwa ndinkachitira nsanje anthu onyada*Ndikamaona mtendere wa anthu oipa.+
4 Chifukwa samva ululu umene munthu amamva akamafa.Matupi awo amakhala athanzi.*+
5 Iwo savutika ngati mmene anthu ena amavutikira,+Ndipo sakumana ndi mavuto mofanana ndi anthu ena.+
6 Choncho kudzikuza kuli ngati mkanda mʼkhosi mwawo,+Ndipo avala chiwawa ngati malaya.
7 Maso awo akwiririka chifukwa cha kunenepa kwa nkhope yawo.*Ali ndi zinthu zambiri kuposa zimene ankalakalaka mumtima mwawo.
8 Iwo amanyodola komanso kulankhula zinthu zoipa.+
Amaopseza anthu monyada kuti awapondereza.+
9 Amalankhula ngati kuti ali kumwamba,Ndipo malilime awo akuyendayenda padziko lapansi mwamatama.
10 Choncho anthu a Mulungu amawatsatira,Ndipo amamwa madzi awo omwe ndi ambiri.
11 Iwo amanena kuti: “Mulungu angadziwe bwanji?+
Kodi Wamʼmwambamwamba amadziwa chilichonse?”
12 Ndithudi, izi nʼzimene oipa amachita, amakhala mosatekeseka nthawi zonse.+
Iwo amawonjezera chuma chawo.+
13 Ndithudi, ndayeretsa mtima wanga pachabe,Ndipo ndasamba mʼmanja mwanga pachabe posonyeza kuti ndine wosalakwa.+
14 Ndinkavutika tsiku lonse,+Ndipo mʼmawa uliwonse ndinkadzudzulidwa.+
15 Koma ndikananena zinthu zimenezi,Ndikanachitira chinyengo anthu anu.*
16 Nditayesa kuti ndimvetse zimenezi,Zinali zopweteka kwa ine
17 Mpaka pamene ndinalowa mʼmalo opatulika aulemerero a Mulungu,Ndipo ndinazindikira tsogolo lawo.
18 Ndithudi, mwawaika pamalo oterera.+
Mwawagwetsa kuti awonongeke.+
19 Iwo awonongedwa mwadzidzidzi.+
Afika pamapeto awo modzidzimutsa ndipo atha momvetsa chisoni!
20 Inu Yehova, mofanana ndi maloto amene amaiwalika munthu akadzuka,Inunso mukadzuka mudzawakana.*
21 Koma mtima wanga unandipweteka,+Ndipo mkati mwanga* ndinamva ululu.
22 Ndinali wopanda nzeru ndipo sindinkamvetsa zinthu.Ndinali ngati nyama yosaganiza pamaso panu.
23 Koma tsopano ine ndili ndi inu nthawi zonse.Mwandigwira dzanja langa lamanja.+
24 Mumanditsogolera ndi malangizo anu,+Ndipo pambuyo pake mudzandipatsa ulemerero.+
25 Winanso ndi ndani kumwambako amene angandithandize?
Ndipo chifukwa chakuti inu muli ndi ine, palibenso chimene ndimalakalaka padziko lapansi.+
26 Thupi langa ndi mtima wanga zingalefuke,Koma Mulungu ndi thanthwe la mtima wanga ndiponso cholowa changa mpaka kalekale.+
27 Ndithudi, anthu amene ali kutali ndi inu adzatheratu.
Mudzawononga* aliyense amene akukusiyani pochita chigololo.*+
28 Koma kwa ine, kuyandikira kwa Mulungu ndi chinthu chabwino.+
Ndapanga Yehova Ambuye Wamkulu Koposa kukhala malo anga othawirako,Kuti ndilengeze za ntchito zanu zonse.+
Mawu a M'munsi
^ Kapena kuti, “odzitukumula.”
^ Kapena kuti, “Mimba zawo zimakhala zazikulu chifukwa cha kunenepa.”
^ Kapena kuti, “chifukwa choti zinthu zikuwayendera bwino.”
^ Mʼchilankhulo choyambirira, “mibadwo ya ana anu.”
^ Mʼchilankhulo choyambirira, “mudzawanyoza.”
^ Mʼchilankhulo choyambirira, “mu impso zanga.”
^ Mʼchilankhulo choyambirira, “Mudzakhalitsa chete.”
^ Kapena kuti, “pochita zosakhulupirika.”
