Salimo 143:1-12
Nyimbo ya Davide.
143 Inu Yehova, imvani pemphero langa.+Mvetserani kuchonderera kwanga kopempha thandizo.
Ndiyankheni mogwirizana ndi kukhulupirika kwanu komanso chilungamo chanu.
2 Musandiimbe mlandu ine mtumiki wanu,Chifukwa palibe aliyense wamoyo amene angakhale wolungama pamaso panu.+
3 Mdani akundifunafuna.Iye wandipondereza ndipo wandigonjetsa.
Wandichititsa kuti ndikhale mumdima ngati anthu amene anafa kalekale.
4 Mphamvu zanga zatha.*+Ndipo mtima wanga wachita dzanzi.+
5 Ndikukumbukira masiku akale.Ndimaganizira mozama zochita zanu zonse.+Ndimaganizira* ntchito ya manja anu ndi mtima wonse.
6 Ine ndikupemphera nditakweza manja anga kwa inu.Ndikuyembekezera inu ngati dziko louma limene likuyembekezera kuti mvula igwe.+ (Selah)
7 Ndiyankheni mofulumira, inu Yehova.+Mphamvu zanga zatha.*+
Musandibisire nkhope yanu,+Chifukwa mukatero ndikhala ngati anthu amene akutsikira kudzenje la manda.+
8 Mʼmawa ndichititseni kumva za chikondi chanu chokhulupirika,Chifukwa ndimadalira inu.
Ndidziwitseni njira imene ndikuyenera kuyendamo,+Chifukwa ndimadalira inu kuti muzinditsogolera.*
9 Ndipulumutseni kwa adani anga, inu Yehova.
Ine ndikudalira inu kuti munditeteze.+
10 Ndiphunzitseni kuchita zimene inu mumafuna,+Chifukwa inu ndinu Mulungu wanga.
Mzimu wanu ndi wabwino.Unditsogolere mʼmalo otetezeka.*
11 Inu Yehova, ndithandizeni kuti ndikhalebe ndi moyo chifukwa cha dzina lanu.
Ndipulumutseni mʼmavuto anga, chifukwa ndinu wachilungamo.+
12 Chifukwa cha chikondi chanu chokhulupirika, wonongani* adani anga.+Muwononge onse amene akundichitira nkhanza,+Chifukwa ine ndine mtumiki wanu.+
Mawu a M'munsi
^ Mʼchilankhulo choyambirira, “Mzimu wanga wafooka.”
^ Kapena kuti, “Ndimaphunzira.”
^ Mʼchilankhulo choyambirira, “Mzimu wanga watha.”
^ Kapena kuti, “Chifukwa ndapereka moyo wanga kwa inu.”
^ Kapena kuti, “Unditsogolere mʼdziko la anthu olungama.”
^ Mʼchilankhulo choyambirira, “khalitsani chete.”
