Ol Sam 143:1-12
Singsing blong Deved.
143 O Jehova, yu harem prea blong mi,+Yu lesin long mi taem mi plis long yu blong yu halpem mi.
Plis yu ansa long mi from we oltaem yu yu holem promes blong yu, mo yu gat stret fasin.
2 Yu no putum man blong wok blong yu long kot,From olgeta man we oli laef, i no gat wan i save pruvum long fes blong yu se hem i wan stret man.+
3 From enemi ya i stap ronem mi,*Hem i smasem gud laef blong mi, i purumbut long hem i go insaed long graon.
Hem i mekem se mi stap long tudak olsem olgeta we oli ded longtaem finis.
4 Naoia tingting blong mi i foldaon,*+Mo hat blong mi i nam.+
5 Mi tingbaot ol dei ya we oli pas finis.
Mo mi stap tingting dip long ol wok blong yu.+
Oltaem mi mi stap tingting* long ol wok blong han blong yu.
6 Mi openem han blong mi i kam long yu,Mi mi* olsem wan drae graon we i tosta from yu.+ (Selah)
7 O Jehova, plis yu ansa long mi kwiktaem.+
Naoia paoa* blong mi ifinis.+
Yu no haedem fes blong yu long mi,+Sipos no, bambae mi olsem olgeta we oli stap godaon long hol.*+
8 Long moning, plis yu letem mi mi harem nius blong fasin ya blong yu blong lavem man oltaem,From we mi mi trastem yu.
Yu mekem mi mi luksave rod we mi mas wokbaot long hem,+From mi mi lukluk i kam long yu.*
9 O Jehova, yu tekemaot mi long ol enemi blong mi.
Mi mi lukluk i kam long yu blong yu protektem mi.+
10 Plis yu tijim mi blong mekem wil blong yu,+From yu yu God blong mi.
Spirit blong yu i gud tumas,I gud i lidim mi blong wokbaot long level graon.*
11 O Jehova, from nem blong yu, plis yu holem mi mi stap laef.
Mo long stret fasin blong yu, plis yu tekemaot mi* long trabol.+
12 Plis yu finisim* ol enemi blong mi, from we yu yu lavem man oltaem.+
Yu distroem olgeta we oli stap spolem mi,*+From mi mi man blong wok blong yu.+
Ol futnot
^ NT: “sol blong mi.”
^ NT: “Naoia paoa blong mi i stap lus.”
^ NT: “stadi.”
^ NT: “Sol blong mi i.”
^ NT: “gref.”
^ PT: “spirit.”
^ NT: “From we mi mi leftemap sol blong mi i kam long yu.”
^ NT: “wokbaot long ples blong ol stret man.”
^ NT: “sol blong mi.”
^ PT: “satem maot blong.”
^ NT: “sol blong mi.”
