Ol Sam 80:1-19

  • Man blong lukaot long sipsip, we i stap lukaot long Isrel, i wantem ples blong hem i kam gud bakegen

    • “O God, yu putumbak mifala” (3)

    • Isrel i olsem rop blong grep blong God (8-15)

Long daerekta. Blong plei folem “Ol Lili.” Wan Rimaenda. Singsing blong Asaf.+ 80  O Man Blong Lukaot Long Sipsip, we yu stap lukaot long Isrel, yu lesin,Yu nao yu stap lidim Josef olsem ol sipsip.+ Yu we yu stap sidaon, yu rul antap long* ol jerubim,+Yu saenaot.*   Long fes blong Efrem, Benjamin, mo Manase,Yu soemaot paoa blong yu,+Yu kam mo yu sevem mifala.+   O God, yu putumbak mifala,+Yu letem fes blong yu i saen long mifala, nao mifala i save sef.+   Jehova God we yu komanda blong ol ami, ?bambae yu agensem* prea blong ol man blong yu gogo kasem wetaem?+   Yu givim wota blong ae olsem bred blong olgeta,Mo yu mekem olgeta oli dring wota blong ae gogo i bitim mak.   Yu letem ol neba blong mifala oli raorao from mifala,Ol enemi blong mifala oli stap jikim mifala olsem we oli wantem.+   O God we yu komanda blong ol ami, yu putumbak mifala,Yu letem fes blong yu i saen long mifala, nao mifala i save sef.+   Yu mekem wan rop blong grep+ i aot long Ijip. Yu ronemaot ol nesen nao yu planem rop blong grep ya.+   Yu klinim wan spes blong hem,Nao rus blong hem i fas strong mo i kavremap olgeta ples.+ 10  Sado blong hem i kavremap ol bigfala hil,Mo ol branj blong hem oli kavremap ol sida blong God. 11  Ol branj blong hem oli go kasem solwota,Mo ol sut blong hem oli go kasem Reva.*+ 12  ?From wanem yu brekemdaon ol stonwol blong plantesen blong grep,+Nao olgeta we oli stap pas klosap long hem, oli stap tekemaot ol frut blong hem?+ 13  Ol wael pig blong bus oli spolemgud,Mo ol wael animol long open ples oli stap kakae.+ 14  O God we yu komanda blong ol ami, plis yu kambak. !Yu stap long heven, yu lukluk i kamdaon mo yu luk!Yu lukaot gud long rop blong grep ya,+ 15  Hemia stamba* ya we raethan blong yu i planem,+Mo yu luk pikinini* ya we yu mekem i strong se i blong yu.+ 16  Faea i bonem hem,+ mo oli katemdaon. Taem yu tok strong,* oli lus. 17  I gud yu i sapotem man ya we i stap long raethan blong yu,Mo pikinini blong man we yu mekem i strong se i blong yu.+ 18  Nao bambae mifala i no tanemraon i gowe long yu. Yu holem mifala i stap laef, blong mifala i save singaot long nem blong yu. 19  O Jehova God we yu komanda blong ol ami, yu putumbak mifala,Yu letem fes blong yu i saen long mifala, nao mifala i save sef.+

Ol futnot

MNT: “rul bitwin.”
NT: “Yu soemaot laet blong yu.”
PT: “kros bitim mak long.”
Hemia Yufretes Reva.
NT: “bigfala stamba blong grep.”
NT: “branj.”
PT: “yu strong fes.”