Ol Sam 56:1-13
Long daerekta. Blong plei folem “Sotleg We i Stap Kwaet Mo i Stap Longwe.” Miktam.* Singsing blong Deved, taem ol man Filistia oli holem hem long Gat.+
56 O God, yu kaen long mi, from we ol man oli stap atakem mi.*Oli gohed blong faet agensem mi mo spolem mi fuldei.
2 Ol enemi blong mi oli stap traehad fuldei blong kasem mi.
Mo plante oli mekem stronghed, oli faet agensem mi.
3 Taem mi fraet,+ mi trastem yu.+
4 God, hemia God ya we mi leftemap tok blong hem,God ya, mi mi trastem hem, mo mi no fraet.
?Man we i nating nomo,* i save mekem wanem long mi?+
5 Mo long fuldei oli stap spolem ol samting we mi intres long olgeta.
Wan samting nomo i stap long tingting blong olgeta, hemia blong spolem mi.+
6 Oli haed rere blong atakem mi.
Oli wajem mi long evri ples we mi pas long hem,+From oli wantem tekemaot laef* blong mi.+
7 God, plis yu lego olgeta from ol rabis fasin blong olgeta.
Mo taem yu kros, plis yu pulumdaon ol nesen.+
8 Yu stap wajem mi long evri ples we mi go long hem.+
Plis yu fulumap ol wota blong ae blong mi long skin botel blong yu.+
Yu yu makemdaon olgeta long buk blong yu finis.+
9 Long dei we mi singaot from help, ol enemi blong mi bambae oli ron i gobak.+
Mi mi bilif strong long samting ya, hemia se: God i stap long saed blong mi.+
10 God, hemia God ya we mi leftemap tok blong hem,Jehova, hemia God ya we mi leftemap tok blong hem,
11 God ya, mi mi trastem hem, mo mi no fraet.+
?Man we i nating nomo, i save mekem wanem long mi?+
12 God, ol promes we mi mekem long yu, oli holemtaet mi yet.+
Bambae mi presem yu blong talem tangkiu.+
13 From yu yu tekemaot mi* blong mi mi no ded+Mo yu no letem leg blong mi i fas long wan samting,+Nao mi save wokbaot long fes blong God, long laet blong ol man we oli laef.+
