Ol Sam 54:1-7
-
Wan prea we man i askem help taem hem i stap long medel blong ol enemi
-
“God i helpa blong mi” (4)
-
Long daerekta. Blong sing wetem ol instramen we i gat string. Maskil.* Singsing blong Deved, biaen long taem ya we ol man Sif oli kam mo oli talem long Sol se: “Deved i stap haed olbaot long ples blong mifala.”+
54 O God, yu sevem mi, long nem blong yu,+Mo yu difendem mi,+ long paoa blong yu.*
2 O God, yu harem prea blong mi.+
Yu lesin gud long ol tok we i kamaot long maot blong mi.
3 From ol strenja oli girap agensem mi,Mo ol man we oli raf we oli raf oli wantem tekemaot laef* blong mi.+
Oli no kea nating long God.*+ (Selah)
4 !Yu luk! God i helpa blong mi,+Jehova i stap wetem olgeta we oli stap sapotem mi.*
5 Rabis fasin we ol enemi blong mi oli mekem, bambae hem i givimbak long olgeta bakegen,+Plis yu holem promes blong yu, i gud yu endem laef blong olgeta.*+
6 Bambae mi glad nomo blong mekem sakrefaes long yu.+
O Jehova, bambae mi presem nem blong yu, from fasin ya i gud tumas.+
7 From hem i sevem mi long olgeta trabol blong mi,+Mo bambae mi luk we ol enemi blong mi oli lus.+
