Ol Sam 96:1-13
96 Yufala i singim wan niufala singsing i go long Jehova.+
!Olgeta man long wol, yufala i sing long Jehova!+
2 Yufala i sing long Jehova, yufala i presem nem blong hem.
Evri dei, i gud yufala i talemaot gud nius blong hem blong sevem man.+
3 Yufala i talemaot glori blong hem long olgeta nesen,Mo ol gudgudfala wok blong hem long olgeta man.+
4 Jehova i hae we i hae, mo i stret nomo we ol man oli presem hem.
Ol man oli mas ona moa long hem i bitim ol narafala god.
5 Olgeta god blong ol narafala man, oli gud blong nating nomo,+Be Jehova nao i mekem heven.+
6 Ol naes samting mo paoa blong king* i stap wetem hem.+
Paoa mo ol naesfala samting oli stap long tabu ples ya blong hem.+
7 Yufala ol famle blong olgeta man, yufala i givim samting we i stret blong Jehova i kasem,Yufala i givim samting we i stret blong Jehova i kasem, from glori mo paoa blong hem.+
8 Yufala i givim glori long Jehova from nem blong hem.+
Yufala i tekem wan presen mo yufala i kam insaed long ol yad blong hem.
9 Yufala i werem ol klos blong yufala we i tabu,* yufala i bodaon long* Jehova.
!Olgeta man long wol, taem yufala i kam long fes blong hem, yufala i mas fraet!
10 Yufala i talemaot long ol nesen se: “!Jehova i kam King!+Wol* i stap strong long ples blong hem, mo i no save muv.*Hem bambae i jajem ol man* long fasin we i stret.”+
11 I gud heven i glad, mo i gud wol i harem gud,I gud solwota mo olgeta samting we oli stap long hem, oli mekem bigfala noes.+
12 I gud ol open ples mo evri samting long olgeta, oli glad.+
Mo long semtaem, i gud olgeta tri long bus oli glad, oli singsingaot+
13 Long fes blong Jehova, from we hem i stap kam,*Hem i stap kam blong jajem wol.
Bambae hem i jajem wol* we ol man oli stap long hem, long stret fasin+Mo i jajem olgeta man long gudfala fasin blong hem we i no save jenis.+
Ol futnot
^ NT: “haenem.”
^ MNT: “Hem i naes tumas from we hem i tabu, taswe.”
^ NT: “yufala i wosipim.”
^ NT: “gudfala graon.”
^ NT: “i no save lei.”
^ NT: “i toktok long bihaf blong ol man.”
^ NT: “hem i kam finis.”
^ NT: “gudfala graon.”
