Ol Sam 20:1-9

  • God i sevem king ya we hem i makemaot

    • Sam oli dipen long ol jariot, mo ol hos, ‘be mifala i singaot long nem blong Jehova’ (7)

Long daerekta. Singsing blong Deved. 20  I gud Jehova i ansa long yu long dei we yu harem nogud. I gud nem blong God blong Jekob i protektem yu.+   I gud hem i sanem wan man long holi ples, i kam halpem yu+Mo i stap long Saeon i stap sapotem yu.+   I gud hem i tingbaot ol ofring we yu givim olsem presen,I gud hem i glad, i akseptem ofring blong yu we i bon fulwan.* (Selah)   I gud hem i givim samting we hat blong yu i wantem tumas.+ Mo i gud i mekem olgeta plan* blong yu oli go gud.   Bambae mifala i glad mo singsingaot from ol samting we yu mekem blong sevem man.+ Bambae mifala i leftemap ol saen blong mifala, long nem blong God blong mifala.+ I gud Jehova i mekem evri samting we yu askem.   Naoia mi mi save se Jehova i sevem man ya we hem i makemaot.+ Hem i stap long heven we i tabu i ansa long hem,I sevem hem long* raethan blong hem.+   Sam man oli dipen long ol jariot, mo sam narafala oli dipen long ol hos,+Be mifala i singaot long nem blong Jehova God blong mifala.+   Oli kafsaed finis mo oli foldaon finis,Be mifala i girap finis mo mifala i stanap bakegen.+   !O Jehova, yu sevem king ya!+Bambae hem i ansa long mifala, long dei we mifala i singaot from help.+

Ol futnot

PT: “I gud hem i luk sakrefaes we yu bonem fulwan i go long hem, se i fatfat gud.”
NT: “desisen.”
NT: “mekem hem i win bigwan tru long.”