Ol Sam 73:1-28
Singsing blong Asaf.+
73 God i mekem i gud tumas long Isrel, hemia olgeta we hat blong olgeta i klin.+
2 Be mi, klosap leg blong mi i gowe long stret rod,Taem mi stap wokbaot, klosap nomo mi glis.+
3 From mi jalus long ol praod man*Taem mi luk we ol man nogud oli stap long pis.+
4 From oli ded we oli no harem nogud nating,Mo bodi blong olgeta i helti.*+
5 Oli no gat trabol olsem ol narafala man,+Mo oli no safa olsem ol narafala man.+
6 Taswe, fasin blong flas i olsem nekles blong olgeta,+Mo fasin blong faet i olsem klos blong olgeta.
7 Gudfala laef* blong olgeta, i mekem ae blong olgeta i stik aot,Ol samting we oli gat, oli plante bitim wanem we oli save tingbaot.
8 Oli stap laf mo oli talem ol samting we i rabis olgeta.+
Oli mekem stronghed oli stap tokbaot rod blong tritim nogud ol man.+
9 Oli stap toktok olsem se oli stap finis long heven,Mo tang blong olgeta i stap swing olbaot long wol.
10 Ale ol man blong hem oli tanemraon oli folem olgeta,Mo oli dring wota we ol man nogud ya oli givim.
11 Oli talem se: “?Olsem wanem God i save?+?I tru se Hae God i gat save?”
12 Yes, hemia nao ol man nogud we oltaem oli kasem samting isi nomo.+
Oli gohed blong mekem ol sas samting blong olgeta i kam plante moa.+
13 I blong nating nomo we mi gohed blong gat wan hat we i klin,Mo mi wasem han blong mi blong soemaot se mi mi no gat fol.+
14 Mo fuldei tingting blong mi i trabol,+Evri moning mi harem olsem se mi stap kasem panis.+
15 Be sipos mi bin talem ol samting ya,Ating bambae mi tanem baksaed finis long ol man blong yu.*
16 Taem mi traehad blong kasemsave long samting ya,Hemia i mekem tingting blong mi i trabol tumas,
17 Gogo kasem we mi go insaed long tabu ples ya blong God,Nao mi jes luksave fiuja blong olgeta.
18 Yu yu putum olgeta long graon we i glis.+
Yu mekem olgeta oli foldaon, oli kam nogud olgeta.+
19 !Wantaem nomo trabol i spolemgud olgeta!+!Laef blong olgeta i finis kwiktaem, long wan fasin we i nogud olgeta!
20 O Jehova, olsem drim we i lus kwiktaem taem man i wekap,Taem yu girap, bambae yu mekem se pija blong olgeta i lus kwiktaem nomo.*
21 Be hat blong mi i kam nogud,*+Mo dip insaed long mi, mi harem i soa bitim mak.*
22 Mi mi no tingting gud mo mi no kasemsave samting,Mo long fes blong yu, mi olsem wan wael animol we i no gat tingting.
23 Be naoia mi stap wetem yu oltaem,Yu yu holem raethan blong mi finis.+
24 Yu stap lidim mi wetem ol advaes blong yu,+Mo biaen bambae yu lidim mi mi go long glori.+
25 ?Hu moa we mi gat long heven we i save halpem mi?From we yu yu stap finis, mi mi no moa wantem wan samting long wol.+
26 Bodi mo hat blong mi i save kam nogud,Be God i olsem bigfala ston blong hat blong mi, mo i olsem haf blong olting blong mi olwe.+
27 I tru, olgeta we oli stap longwe long yu bambae oli lus.
Olgeta we oli lego yu from ol fasin nogud,* bambae yu finisim gud olgeta.*+
28 Be mi, taem mi kam klosap long God, hemia i gud tumas long mi.+
Mi mi mekem Hae Masta Jehova olsem ples blong haed blong mi,Blong mi talemaot olgeta wok blong yu.+
Ol futnot
^ NT: “ol man we oli stap tok flas.”
^ NT: “Mo bel blong olgeta i fatfat gud.”
^ PT: “Ol gris.”
^ PT: “long jeneresen blong ol pikinini blong yu.”
^ PT: “bambae yu lukluk nogud long olgeta.”
^ NT: “konkon.”
^ PT: “kidni blong mi i soa bitim mak.”
^ NT: “oli no stap tru long yu.”
^ PT: “yu satem maot blong olgeta.”
