Ol Sam 78:1-72
Maskil.* Singsing blong Asaf.+
78 Ol man blong mi, yufala i lesin long loa* blong mi.
Yufala i lesin gud long ol tok blong maot blong mi.
2 Bambae mi openem maot blong mi, mi talem wan proveb.
Bambae mi talemaot ol ridel blong bifo.+
3 Ol samting we mifala i bin harem mo save,We ol papa blong mifala oli talemaot long mifala,+
4 Bambae mifala i no haedem long ol boe blong olgeta.
Bambae mifala i talemaot long jeneresen we i kam+Ol wok we ol man oli stap presem Jehova from, mo paoa blong hem,+Hemia ol gudgudfala samting we hem i bin mekem.+
5 Hem i putum wan rimaenda i stap wetem JekobMo i putum wan loa long Isrel.
Hem i givim oda long ol olfala blong mifalaBlong oli talemaot ol samting ya long ol pikinini blong olgeta,+
6 Olsem nao, nekis jeneresen,Hemia ol pikinini we bambae oli bon i kam, bambae oli save olgeta.+
Ale, olgeta tu oli save talemaot long ol pikinini blong olgeta.+
7 Nao olgeta ya oli save trastem God.
Mo oli no save fogetem ol wok blong God+Be bambae oli folem ol komanmen blong hem.+
8 Nao bambae oli no kam olsem ol olfala blong olgeta,Hemia wan jeneresen we i stronghed mo i stap rebel,+Wan jeneresen we hat blong olgeta i no stap strong*+Mo tingting* blong olgeta i no stap tru long God.
9 Ol laen blong Efrem oli rere long ol bonara blong olgeta,Be long dei blong faet oli ronwe.
10 Oli no holem kontrak blong God+Mo oli no wantem wokbaot folem loa blong hem.+
11 Oli fogetem tu ol samting we hem i mekem,+Hemia ol gudgudfala samting we hem i soem long olgeta.+
12 Hem i mekem ol samting blong sapraes long fes blong ol olfala blong olgeta,+Long Ijip, long rijen blong Joan.+
13 Hem i seraotem solwota long tu haf blong letem olgeta oli pastru long hem,Mo i mekem wota i stanap i stap olsem wan stonwol.+
14 Hem i yusum klaod blong lidim olgeta long dei,Long fulnaet, hem i lidim olgeta long laet blong faea.+
15 Hem i splitim ol bigfala ston oli open long draeples,I letem olgeta oli dring wota olsem we oli wantem, olsem we oli stap dring long wan dip wota.+
16 Hem i mekem wota i kamaot long wan stonMo i mekem wota i ron i godaon olsem ol reva.+
17 Be oli gohed blong mekem sin agensem hemTaem oli stap rebel agensem Hae God long draeples.+
18 Long hat blong olgeta, oli traem* God+Taem oli stap fosem hem blong i givim kakae we oli laekem tumas.*
19 Nao oli tok agensem God,Oli se: “?God i save givim kakae* long draeples?”+
20 !Yufala i luk! Hem i kilim stonNao wota i kamaot mo i ron bigwan.+
“?Be hem i save givim bred long yumi tu,Mo i save givim mit long ol man blong hem?”+
21 Taem Jehova i harem olgeta, hem i kros tumas.+
Hem i mekem wan faea+ i kam agensem Jekob,Mo kros blong hem i laet bigwan i bonem Isrel+
22 From we oli no bilif long God.+
Oli no trastem God se hem i naf blong sevem olgeta.
23 Nao hem i givim oda long ol klaod long skae antap,Mo hem i openem ol doa blong heven.
24 Hem i gohed blong mekem mana i folfoldaon olsem ren, blong oli kakae.
Hem i givim ol sid blong heven long olgeta.+
25 Ol man oli kakae bred blong ol strong man.*+
Hem i givim inaf blong mekem olgeta oli harem gud.+
26 Hem i mekem iswin long skae i girapMo long paoa blong hem, hem i mekem saot win i blu.+
27 Mo hem i mekem ol mit oli folfoldaon olsem das,Plante pijin olsem sanbij long solwota.
28 Hem i mekem oli foldaon long medel blong kamp blong hem,Raon long ol tent blong hem.
29 Mo oli kakae mo oli bitim mak long hem.
Hem i givim samting we oli wantem tumas.+
30 Be bifo we oli harem gud fulwan long samting we oli laekem tumas,Taem kakae blong olgeta i stap yet long maot blong olgeta,
31 Kros blong God i laet i bonem olgeta.+
Hem i kilim i ded ol strong man blong olgeta.+
Hem i kilim i ded ol yang man Isrel.
32 Nating se i olsem, oli gohed blong mekem moa sin+Mo oli no bilif long ol gudgudfala wok blong hem.+
33 Nao hem i endem ol dei blong olgeta, olsem win blong maot we i nating nomo,+Mo ol samting blong fraet, oli endem ol yia blong olgeta.
34 Be evritaem we hem i kilim sam long olgeta, ale oli lukaotem hem,+Oli kambak mo oli lukaotem God,
35 From oli tingbaot se God nao i Bigfala Ston blong olgeta+Mo se God Ya We i Hae Olgeta, hem i Man We i Pemaot olgeta.*+
36 Be long maot blong olgeta, oli traem trikim hemMo long tang blong olgeta, oli giaman long hem.
37 Hat blong olgeta i no stap strong long hem,+Mo oli no holemstrong long kontrak blong hem.+
38 Be hem i gat sore,+Nao hem i fogivim* ol rong blong olgeta, mo i no spolem olgeta.+
Plante taem hem i holem kros blong hem+Bitim we hem i letem kros blong hem i kamaot fulwan.
39 From hem i tingbaot se oli man nomo,+Oli olsem win we i blu i go mo i no moa kambak.*
40 !Plante taem oli rebel agensem hem long draeples+Mo oli mekem hem i harem nogud tumas long draeples!+
41 Oli traem God bakegen mo bakegen,+Mo oli mekem Tabu Man blong Isrel i harem nogud tumas.*
42 Oli no tingbaot paoa* blong hem,Hemia dei ya we hem i tekemaot* olgeta long ol enemi,+
43 Mo olsem wanem hem i soemaot ol saen blong hem long Ijip+Mo ol merikel blong hem long rijen blong Joan,
44 Mo olsem wanem hem i jenisim ol kanal blong Nael Reva oli kam blad+Nao oli no save dring ol springwota blong olgeta.
45 Hem i sanem plante bigfala flae* blong kakae olgeta+Mo ol frog blong spolem olgeta.+
46 Hem i givim ol garen blong olgeta i go long ol lokis we oli hanggri tumas,Yes, ol kakae we oli hadwok from, i go long bigfala grup blong lokis.+
47 Hem i mekem ol aes oli distroem ol rop blong grep blong olgeta+Mo ol ston blong aes oli distroem ol sikamo tri blong olgeta.
48 Hem i mekem ol ston blong aes oli kilim ol animol blong wok+Mo i mekem laetning i kilim ol animol blong olgeta.*
49 Hem i mekem kros blong hem we i olsem faea i kasem olgeta,Hem i kros long olgeta, mo i no glad long olgeta mo i mekem oli safa,Mo ol grup blong ol enjel oli karem trabol i kam long olgeta.
50 Hem i kliarem rod blong kros blong hem.
Hem i no letem olgeta* oli laef i stap.
Mo hem i sanem strong sik blong spolem olgeta.*
51 Mo laswan, hem i kilim i ded evri fasbon blong Ijip,+Hemia ol fas pikinini we oli gat taem oli kam man, long tent blong Ham.
52 Biaen hem i tekemaot ol man blong hem olsem ol sipsip+Mo i lidim olgeta olsem ol sipsip long draeples.
53 Hem i lidim olgeta i go we oli sefgud,Mo oli no harem se oli fraet,+Solwota i kavremap ol enemi blong olgeta.+
54 Mo hem i tekem olgeta i go long teritori blong hem we i tabu,+Hemia rijen blong ol hil, we raethan blong hem i bin kasem.+
55 Long fes blong olgeta, hem i ronemaot ol narafala nesen,+Hem i yusum teplaen, i seraotem graon ya i go long olgeta.+
Hem i putumgud ol traeb blong Isrel long ol hom blong olgeta.+
56 Be oli gohed blong traem* Hae God, mo oli stap rebel agensem hem.+
Oli no lesin long ol rimaenda blong hem.+
57 Mo tu oli tanraon mo oli rabis olgeta olsem ol olfala blong olgeta.+
Man i no save trastem olgeta, oli olsem bonara we i slak.+
58 Oli gohed blong mekem hem i harem nogud, taem oli stap wosip long ol hae ples blong olgeta,+Mo oli mekem hem i kros bitim mak,* taem oli stap wosipim ol aedol.+
59 God i harem nao i kros tumas,+Ale hem i tanem baksaed long Isrel fulwan.
60 Yes, hem i lego tabenakel* blong Silo,+Hemia tent we hem i bin stap long hem long medel blong ol man.+
61 Hem i letem saen blong paoa blong hem i go kalabus,Hem i letem samting we i flasem hem, i go long han blong ol enemi.+
62 Hem i letem ol man blong hem oli ded long naef blong faet+Mo hem i kros tumas long ol man blong hem.
63 Faea i kakae ol yang man blong hem,Mo oli no sing long ol singsing blong mared long ol gel blong hem we oli no save man yet.*
64 Ol pris blong hem, oli ded long naef blong faet,+Mo ol wido blong olgeta oli no krae.+
65 Biaen Jehova i wekap, olsem man we i wekap long slip,+Olsem wan strong man+ we i dring waen, i wekap.
66 Mo hem i ronem ol enemi blong hem i gobak.+
Hem i mekem olgeta oli sem olwe.
67 Hem i tanem baksaed long tent blong Josef,Hem i no jusum traeb blong Efrem.
68 Be hem i jusum traeb blong Juda,+Yes, Hil Ya Saeon we hem i lavem tumas.+
69 Hem i mekem tabu ples blong hem blong i stap strong, olsem heven,*+Mo olsem wol ya we hem i stanemap i stap olwe.+
70 Hem i jusum Deved+ man blong wok blong hemMo hem i tekemaot hem long ol yad blong sipsip,+
71 Long ples ya we hem i stap lukaot long ol woman sipsip we oli gat pikinini,Nao i mekem hem i lukaot long Jekob, hemia ol man blong hem,+Mo long Isrel, hemia olting blong hem.+
72 Hem i lukaot long olgeta long fulhat blong hem,+Mo i lidim olgeta long gudhan blong hem.+
Ol futnot
^ NT: “instraksen.”
^ PT: “hat blong olgeta i no rere.”
^ PT: “spirit.”
^ PT: “testem.”
^ NT: “kakae we sol blong olgeta i wantem tumas.”
^ PT: “God i save mekemrere wan tebol blong yumi.”
^ NT: “bred blong ol enjel.”
^ NT: “hem i Man We i Gat Raet Blong Givimbak long bihaf blong olgeta.”
^ PT: “kavremap.”
^ MNT: “Spirit blong olgeta i go mo i no moa kambak.”
^ NT: “i harem i soa tumas.”
^ PT: “han.”
^ PT: “pembak.”
^ Hemia wan kaen flae we i save kakae man.
^ MNT: “Hem i mekem ol animol blong olgeta oli kasem strong fiva.”
^ NT: “sol blong olgeta.”
^ PT: “laef blong olgeta.”
^ PT: “testem.”
^ NT: “oli mekem hem i jalus.”
^ PT: “Mo ol man oli no presem ol yang gel blong hem.”
^ PT: “Hem i bildim tabu ples blong hem olsem hae ples.”
