Ol Sam 42:1-11
Long daerekta. Maskil* blong ol boe blong Kora.+
42 Olsem wan dia we i wantem tumas blong faenem springwota,God, mi mi* wantem yu tumas.
2 Mi mi* tosta tumas from God, hemia God ya we i laef i stap.+
?Wetaem mi save kam mo stanap long fored blong God?+
3 Long dei mo long naet, wota blong ae blong mi i olsem kakae blong mi.
Long fuldei ol man oli stap jikim mi se: “?Wehem God blong yu?”+
4 Mi tingbaot bakegen ol samting ya, mo mi kafsaedem sol* blong mi,From bifo, mi mi stap wokbaot wetem hip blong ol man,Oltaem mi stap wokbaot fastaem long olgeta wetem bigfala respek,* blong go long haos blong God,Mo i gat noes blong ol man we oli glad mo we oli stap talem tangkiu,Hemia bigfala hip blong ol man we oli stap mekem lafet.+
5 ?From wanem tingting blong mi* i kam nogud?+?From wanem tingting blong mi i trabol tumas?Bambae mi wet long God,+From bambae mi presem hem yet olsem Bigfala Sevia blong mi.+
6 God blong mi, tingting blong mi* i kam nogud.+
Hemia nao from wanem mi tingbaot yu bakegen+Long ples ya Jodan mo long ol top blong Hemon,Mo long Hil Ya Mija.*
7 Noes blong ol wotafol blong yuOli olsem ol dip wota we oli stap singaot i go long ol narafala dip wota.
Ol bigfala wef blong yu oli draonem mi.+
8 Long dei, Jehova bambae i soemaot long mi fasin ya blong hem blong lavem man oltaem,Mo long naet, bambae singsing blong hem i stap long maot blong mi, hemia wan prea we i go long God blong laef blong mi.+
9 Bambae mi talem long God, we i bigfala ston blong mi se:“?From wanem yu fogetem mi?+?From wanem mi mas wokbaot olbaot we mi harem nogud long han blong enemi blong mi we i stap spolem mi?”+
10 Ol enemi blong mi oli stap jikim mi, from we oli agensem mi gogo oli wantem kilim ded mi nomo.*Long fuldei oli stap jikim mi se: “?Wehem God blong yu?”+
11 ?From wanem tingting blong mi* i kam nogud??From wanem tingting blong mi i trabol tumas?Bambae mi wet long God,+From bambae mi presem hem yet olsem Bigfala Sevia blong mi mo God blong mi.+
