Ol Sam 132:1-18
Wan Singsing Blong Go Antap.
132 O Jehova, plis yu tingbaot DevedMo hadlaef we hem i stap kasem,+
2 Yu tingbaot strong promes we hem i bin mekem long Jehova,Yes, promes ya we hem i bin mekem long God blong Jekob we i gat Bigfala Paoa+ i se:
3 “Bambae mi no go insaed long tent blong mi, yes long hom blong mi.+
Bambae mi no ledaon long longfala jea blong mi, yes long bed blong mi.
4 Bambae mi no satem ae blong mi slip,Mo bambae mi no letem ae blong mi i sat nao mi slip,
5 Gogo mi faenem wan ples blong Jehova,Wan gudfala haos* blong God ya blong Jekob, we i gat Bigfala Paoa.”+
6 !Yufala i luk! yumi bin harem nius blong hem long Efrata,+Mo yumi faenem long ples ya we i gat dakbus long hem.+
7 I gud yumi go insaed long haos* blong hem,+I gud yumi go long stul blong leg blong hem yumi bodaon.+
8 O Jehova, yu girap, yu kam long ples blong spel blong yu,+Yu mo Bokis ya we i saen blong paoa blong yu.+
9 I gud ol pris blong yu oli werem stret fasin olsem klos,Mo i gud ol man we oli holemstrong long yu, oli glad oli singsingaot.
10 Mo from Deved, man blong wok blong yu,Plis yu no sakemaot man ya we yu makemaot hem.+
11 Jehova i mekem wan strong promes finis wetem Deved,I sua se bambae hem i no tanem baksaed long tok we hem i talem se:“Wan long ol pikinini blong yu,Bambae mi mekem hem i sidaon long tron* blong yu.+
12 Sipos ol boe blong yu oli holem kontrak blong miMo ol rimaenda we mi tijim olgeta long hem,+Ol boe blong olgeta tuBambae oli sidaon long tron* blong yu olwe.”+
13 Jehova i jusumaot Saeon finis,+Hem i wantem se ples ya i kam hom blong hem,+ hem i se:
14 “Ples ya nao bambae mi stap olwe long hem,Bambae mi laef long ples ya,+ from hem i samting we mi wantem.
15 Bambae mi blesem hem bigwan, mi givim plante kakae long hem,Bambae mi mekem se ol puaman long hem oli harem gud long plante kakae.*+
16 Bambae mi mekem rod blong sevem man, i kam klos blong ol pris blong hem,+Mo ol man ples ya we oli stap holemstrong, bambae oli glad, oli singsingaot.+
17 Bambae mi mekem se paoa* blong Deved i gru long ples ya, i kam bigwan.
Mi mi rerem finis wan laet blong man we mi makemaot hem.+
18 Bambae mi mekem sem i kavremap ol enemi blong hem olsem wan klos,Be hat* long hed blong hem, bambae i saen oltaem.”+
