Ol Sam 135:1-21

  • Presem Jah from we hem i hae olgeta

    • Ol saen mo ol merikel agensem Ijip (8, 9)

    • “Nem blong yu i stap olwe” (13)

    • Ol aedol oli no gat laef (15-18)

135  !Presem Jah!* Yufala i presem nem blong Jehova. Yufala ol man blong wok blong Jehova, yufala i presem hem,+   Yufala ya we i stap stanap insaed long haos blong Jehova,Yes, insaed long ol yad blong haos blong God blong yumi.+   Presem Jah, from Jehova i gud.+ Yumi singim ol sing blong presem* nem blong hem, from fasin ya i gud tumas.   From Jah i bin jusumaot Jekob se i blong hem nomo,Hem i jusumaot Isrel blong i kam spesel propeti* blong hem.+   Mi mi save gud se Jehova i hae olgeta. Masta blong yumi i hae moa i winim ol narafala god.+   Jehova i mekem olgeta samting we hem i wantem mekem+Long heven mo long wol, long solwota mo long ol dip ples.   Hem i stap mekem ol klaod* oli go antap long ol las ples long wol,Hem i mekem laetning i kam wetem ren,*Mo hem i tekem win long ol stohaos blong hem i kam.+   Hem i kilim i ded ol fasbon blong Ijip,Ol fasbon blong ol man mo ol animol.+   O Ijip, hem i mekem ol saen mo ol merikel long medel blong yu,+Yes, agensem Fero mo ol man blong wok blong hem.+ 10  Hem i spolem plante nesen,+Mo i kilim i ded ol strong king,+ 11  Hemia Sihon we i king blong ol man Amoro,+Og we i king blong Basan,+Mo olgeta kingdom blong Kenan. 12  Hem i tekem graon blong olgeta mo i givim i go long ol narafala,Yes, hem i givim long ol man blong hem, ol man Isrel.+ 13  O Jehova, nem blong yu i stap olwe. O Jehova, samting we ol man oli save yu from,* i stap olwe long olgeta jeneresen.+ 14  From Jehova bambae i difendem* ol man blong hem,+Mo bambae hem i sore long* ol man blong wok blong hem.+ 15  Ol aedol ya blong ol nesen, oli silva mo gol,We man nomo i mekem long han blong hem.+ 16  Oli gat maot, be oli no save toktok,+Oli gat ae, be oli no save lukluk, 17  Oli gat sora, be oli no save harem samting,Oli no save pulum win long maot blong olgeta.+ 18  Ol man we oli mekem olgeta, bambae oli kam sem mak olsem olgeta,+Mo olgeta ya tu we oli trastem ol aedol ya, bambae oli kam olsem olgeta.+ 19  Yufala long haos blong Isrel, yufala i presem Jehova. Yufala long haos blong Eron, yufala i presem Jehova. 20  Yufala long haos blong Livae, yufala i presem Jehova.+ Yufala we i fraet* long Jehova, yufala i presem Jehova. 21  I gud ol man long Saeon, oli presem Jehova,+Man ya we i stap long Jerusalem.+ !Presem Jah!+

Ol futnot

NT: “!Halelujah!” “Jah” hem i sot nem blong Jehova.
NT: “plei miusik blong presem.”
NT: “olsem wan sas samting.”
NT: “wetwet smok.”
MNT: “mekem rod blong ren.”
NT: “nem blong yu.” PT: “oli tingbaot yu from.”
NT: “toktok long kot long bihaf blong.”
NT: “hem i rigret from.”
NT: “tinghevi.”