Ol Sam 79:1-13

  • Wan prea we oli mekem taem ol nesen oli kam agensem ol man blong God

    • ‘Mifala i olsem wan samting blong tok nogud long hem’ (4)

    • ‘Yu halpem mifala from nem blong yu’ (9)

    • ‘Plis yu givimbak long ol neba blong mifala seven taem moa’ (12)

Singsing blong Asaf.+ 79  O God, ol nesen ol kam insaed finis long graon blong yu,+Oli mekem tabu tempol blong yu i kam doti,+Oli mekem Jerusalem i kam ol hip blong ston nomo.+   Oli givim ol dedbodi blong ol man blong wok blong yu, olsem kakae long ol pijin long skaeMo bodi blong ol man we oli holemstrong long yu, i go long ol wael animol blong wol.+   Oli kafsaedem blad blong olgeta, olsem wota raon long Jerusalem,Mo i no gat man i stap blong berem olgeta.+   Mifala i kam olsem wan samting we ol neba blong mifala oli stap tok nogud long hem.+ Ol man raonabaot long mifala, oli stap jikim mo daonem mifala.   O Jehova, ?bambae yu kros gogo kasem wetaem? ?Blong olwe?+?Bambae kros blong yu i bon olsem faea gogo kasem wetaem?+   Yu kafsaedem kros blong yu long ol nesen we oli no save yuMo long ol kingdom we oli no singaot long nem blong yu.+   From we oli spolem Jekob finisMo oli mekem graon blong hem i stap nating nomo.+   Yu no jajem mifala from ol rong blong ol olfala blong mifala bifo.+ Yu soemaot kwiktaem se yu sore long mifala,+From ol man oli daonem gud mifala.   O God we yu sevia blong mifala, yu halpem mifala,+From haenem blong yu. Mo from nem blong yu, plis yu tekemaot mifala mo yu fogivim* ol sin blong mifala.+ 10  From wanem ol nesen oli mas talem se: “?Wehem God blong olgeta?”+Long fes blong mifala, i gud yu mekem ol nesen oli saveSe yu pembak finis blad blong ol man blong wok blong yu we i ron.+ 11  I gud yu harem ol prisena taem oli stap pulum nogud win blong olgeta.+ Yu yusum bigfala paoa* blong yu, blong protektem* olgeta we oli kasem jajmen se oli mas ded.*+ 12  O Jehova, ol neba blong mifala oli stap tok nogud long yu,+Plis yu givimbak long olgeta seven taem moa.+ 13  Nao mifala ol man blong yu mo ol sipsip blong graon blong yu+Bambae mifala i talem tangkiu long yu olwe. Mo bambae mifala i presem yu long ol jeneresen we i kam.+

Ol futnot

PT: “kavremap.”
PT: “han.”
MNT: “letem i gofri.”
PT: “ol pikinini we oli blong ded.”