Ol Sam 99:1-9
99 !Jehova i kam King!+ I gud ol man oli fraet.
Hem i stap sidaon, i stap rul antap long* ol jerubim.+ I gud wol i muvmuv.
2 Long Saeon, Jehova i hae olgeta,Mo hem i hae moa long olgeta man.+
3 I gud oli presem haenem blong yu,+From nem blong yu i nambawan tumas mo i tabu.
4 Hem i wan strong king mo i laekem jastis.+
Yu yu stanemap stret fasin i stap strong.
Yu yu tekem jastis mo stret fasin i kam+ long Jekob.
5 Yufala i leftemap Jehova God blong yumi,+ mo yufala i kam long stul blong leg blong hem, yufala i bodaon.*+
Hem i tabu.+
6 Moses mo Eron tu, tufala i pris blong hem,+Mo Samuel tu i wan long olgeta we oli stap singaot long nem blong hem.+
Oli stap singaot long Jehova,Mo hem i stap ansa long olgeta.+
7 Hem i stap long wan bigfala klaod we i stanap stret, i stap toktok long olgeta.+
Oli obei long ol rimaenda mo ol loa we hem i givim long olgeta.+
8 O Jehova God blong mifala, yu yu bin ansa long olgeta.+
Yu yu God ya we yu fogivim olgeta,+Be yu panisim* olgeta from ol sin we oli mekem.+
9 Yufala i leftemap Jehova God blong yumi+Mo yufala i bodaon* long fored blong bigfala hil blong hem we i tabu,+From Jehova God blong yumi i tabu.+
