Ol Sam 61:1-8
-
God, wan strong taoa we i stanap agensem ol enemi
-
“Bambae mi wan gest long tent blong yu” (4)
-
Long daerekta. Blong sing wetem ol instramen we i gat string. Singsing blong Deved.
61 O God, plis yu harem mi taem mi krae from help.
Yu lesin gud long prea blong mi.+
2 Bambae mi stap long ol laswan ples long wol, mi krae i kam long yuTaem tingting blong mi i foldaon.*+
Yu lidim mi mi go antap long wan bigfala ston we i hae bitim mi.+
3 From yu yu ples blong haed blong mi,Wan strong taoa we i protektem mi long ol enemi.+
4 Bambae mi wan gest* long tent blong yu blong olwe,+Bambae mi mi haed aninit long ol wing blong yu.+ (Selah)
5 From we yu, God, yu harem ol promes blong mi finis.
Samting we i blong olgeta we oli fraet* long nem blong yu, yu yu givim long mi finis.+
6 Bambae yu yu ademap moa dei long laef* blong king,+Mo ol yia blong laef blong hem bambae i gohed long ol jeneresen we i kam.
7 Long fored blong God, bambae hem i stap sidaon i rul* olwe.+
Yu givim long hem,* fasin blong lavem man oltaem mo blong holem promes oltaem, blong tufala i lukaot gud long hem.+
8 Nao evri dei taem mi stap mekem ol samting we mi promes blong mekem+Bambae mi singim ol sing blong presem* nem blong yu olwe.+
Ol futnot
^ NT: “tingting blong mi i kam slak.”
^ NT: “mi stap smoltaem.”
^ NT: “tinghevi.”
^ PT: “long ol dei.”
^ NT: “stap.”
^ NT: “Yu sanem.”
^ NT: “plei miusik blong presem.”
