Ol Sam 108:1-13
Wan singsing. Wan miusik blong Deved.
108 O God, hat blong mi i stap strong yet,Ful bodi blong mi* bambae i singsing mo i plei miusik.+
2 Instramen we i gat string, yu wekap mo yu tu hap.+
Bambae mi mekem eli moning i wekap.
3 O Jehova, bambae mi presem yu long medel blong olgeta man,Mo bambae mi singim ol sing blong presem* yu long medel blong ol nesen.
4 From we fasin blong yu blong lavem man oltaem i bigwan, mo i hae kasem heven,+Mo fasin blong yu blong holem promes oltaem, i hae kasem skae.
5 O God, yu leftemap rul blong yu i go antap i bitim heven,I gud glori blong yu i go kasem olgeta ples long wol.+
6 Olsem nao ol man we yu lavem olgeta tumas oli save kamaot long trabol,Yu sevem mifala wetem raethan blong yu mo yu ansa long mi.+
7 God i tabu,* mo hem i bin talem se:“Bambae mi glad, bambae mi givimaot Sekem,+ olsem wan samting we wan papa i pasem i go long pikinini blong hem,Mo bambae mi makemaot Vali* Blong Sukot i go long eni man we mi wantem.+
8 Gilead+ i blong mi, mo Manase tu,Mo Efrem i olsem hat blong faet long hed blong mi.*+
Juda i olsem stik we mi holem blong givim oda.+
9 Moab i olsem besin blong wasem han mo leg blong mi.+
Bambae mi sakem sandel blong mi i go long Edom.+
Mo bambae mi singsingaot i go long Filistia from mi win.”+
10 ?Hu bambae i tekem mi mi go long taon ya we ol stonwol oli raonem gud??Hu bambae i lidim mi mi go kasem Edom?+
11 O God, yu nao yu sud mekem samting ya, be yu no wantem mifala,Yu yu God blong mifala, be yu no moa go wetem ol ami blong mifala long faet.+
12 Yu halpem mifala taem mifala i harem nogud,+From samting we man i save mekem blong sevem man, i nating nomo.+
13 Bambae mifala i kasem paoa long God,+Mo hem bambae i purumbut long ol enemi blong mifala.+
