Ol Sam 67:1-7

  • Ol man long olgeta ples long wol bambae oli fraet long God

    • Ol man bambae oli save fasin blong God (2)

    • ‘I gud olgeta man oli presem God’ (3, 5)

    • “God bambae i blesem mifala” (6, 7)

Long daerekta. Blong sing wetem ol instramen we i gat string. Wan miusik. Wan singsing. 67  God bambae i kaen long mifala mo i blesem mifala,Bambae hem i mekem fes blong hem i saen long mifala+ (Selah)  2  Nao ol man long olgeta ples long wol bambae oli save fasin blong yu,+Ol wok blong yu blong sevem man long olgeta nesen.+  3  O God, i gud ol man oli presem yu. I gud olgeta man oli presem yu.  4  I gud ol nesen oli glad mo oli singsingaot from oli glad,+From we bambae yu jajem ol man long stret fasin.+ Bambae yu lidim ol nesen long wol. (Selah)  5  O God, i gud ol man oli presem yu. I gud olgeta man oli presem yu.  6  Wol bambae i givim plante kakae.+ God, yes God blong mifala, bambae i blesem mifala.+  7  God bambae i blesem mifala,Mo ol man long olgeta ples long wol bambae oli fraet* long hem.+

Ol futnot

^ NT: “tinghevi.”

Ol copyrights blong buk ya