Ol Sam 147:1-20
147 !Presem Jah!*
I gud tumas blong singim ol sing blong presem* God blong yumi.
!Fasin ya i gud tumas mo i stret nomo blong yumi presem hem!+
2 Jehova i stap bildim Jerusalem,+Hem i stap tekem ol man Isrel we oli stap wanwan olbaot, oli kam wanples.+
3 Hem i hilim olgeta we hat blong olgeta i brok,Hem i fasem ol soa blong olgeta.
4 Hem i kaontem ol namba blong ol sta,Hem i stap singaot olgeta wanwan long nem blong olgeta.+
5 Masta blong yumi, hem i hae olgeta mo paoa blong hem i strong tumas,+Man i no naf blong makem save blong hem.+
6 Jehova i stap leftemap ol man we oli gat tingting daon,+Be hem i stap slingim ol man nogud i go long graon.
7 Yumi sing long Jehova, yumi talem tangkiu long hem,Yumi plei long hap, yumi singsing presem God blong yumi.
8 Hem nao i kavremap heven long ol klaod,Hem nao i stap givim ren long wol,+Mo Hem nao i stap mekem ol gras oli gru+ long ol bigfala hil.
9 Hem i givim kakae long ol animol,+Mo long ol pikinini blong pijin ya reven, taem oli singaot from.+
10 Hem i no glad long paoa blong hos,+Mo nating se leg blong man i strong, be hem i no luk se i impoten.+
11 Jehova i glad long ol man we oli fraet* long hem,+Hemia olgeta we oli stap wet long fasin blong hem blong lavem man oltaem.+
12 O Jerusalem, yu leftemap Jehova.
O Saeon, yu presem God blong yu.
13 Hem i mekem ol aean blong ol get long taon blong yu, oli strong,Hem i blesem ol pikinini blong yu we oli stap insaed long yu.
14 Hem i mekem se i gat pis long teritori blong yu.+
Hem i mekem yu yu harem gud long ol wit we i beswan.*+
15 Hem i sanem tok blong hem i kam long wol,Toktok blong hem i ron spid.
16 Hem i sanem sno i kavremap olgeta ples olsem wul.+
Hem i mekem kolkol win i go olbaot olsem asis.+
17 Hem i slingim ol ston blong aes* i kamdaon, olsem ol makas blong bred.+
?Hu i save stap gud taem hem i mekem ples i kolkol?+
18 Hem i sanem toktok blong hem i go, nao oli melt.
Hem i mekem win blong hem i blu,+ nao ol wota oli ron.
19 Hem i talemaot tok blong hem long Jekob,Ol rul blong hem mo ol jajmen blong hem long Isrel.+
20 Hem i no mekem olsem long ol man blong narafala nesen.+
Olgeta oli no save ol jajmen blong hem nating.
!Presem Jah!*+
Ol futnot
^ NT: “!Halelujah!” “Jah” hem i sot nem blong Jehova.
^ NT: “plei miusik blong presem.”
^ NT: “tinghevi.”
^ PT: “oli fatfat gud.”
^ NT: “slingim aes.”
^ NT: “!Halelujah!” “Jah” hem i sot nem blong Jehova.
