Ol Sam 102:1-28

  • Wan prea blong wan man we i harem nogud from narafala i spolem hem

    • “Mi olsem wan pijin we i no gat fren” (7)

    • ‘Ol dei blong laef blong mi, oli sado we i stap lus sloslo’ (11)

    • “Jehova bambae i wokem gud Saeon bakegen” (16)

    • Jehova i stap olwe (26, 27)

Hemia prea blong man we narafala i spolem hem, taem tingting blong hem i kam nogud,* nao i talemaot wari blong hem long Jehova.+ 102  O Jehova, yu harem prea blong mi,+I gud yu lesin long mi taem mi krae blong yu halpem mi.+   Yu no haedem fes blong yu long mi, taem mi stap harem nogud.+ Yu pusum sora blong yu i kam long mi,*Taem mi singaot, plis yu ansa long mi kwiktaem.+   Ol dei blong laef blong mi oli lus kwiktaem nomo olsem smok,Mo ol bun blong mi oli hot olsem ples blong faea we i hot bitim mak.+   Hat blong mi i olsem gras we san i bonem mo i drae finis,+From mi foget blong kakae kakae blong mi.   Skin blong mi i fasgud long ol bun blong mi,+From we mi krae strong.+   Mi mi luk olsem pijin ya pelikan long draeples,Mi olsem wan smol hoknaet long wan ples we i nogud finis.   Mi ledaon be mi wekap nomo i stap,*Mi olsem wan pijin we i no gat fren, we i stap antap long wan ruf.+   Ol enemi blong mi oli stap tok nogud long mi fuldei.+ Olgeta we oli stap jikim mi, oli yusum nem blong mi blong singaot trabol.   Mi kakae asis olsem bred blong mi,+Mo wota we mi dring, i miks wetem wota blong ae,+ 10  From we yu kros long mi mo yu no glad long mi,Yes yu leftemap mi nomo blong yu sakemaot mi. 11  Ol dei blong laef blong mi, oli olsem sado we i stap lus sloslo,*+Mo mi stap kam drae olsem gras.+ 12  Be yu O Jehova, yu stap olwe,+Mo nem blong yu bambae i stap oltaem long ol jeneresen we i kam.*+ 13  I sua se bambae yu girap, yu sore long Saeon,+From taem i kam finis blong yu mekem i gud long hem,+Stret taem i kam finis.+ 14  From man blong wok blong yu i glad tumas from ol ston blong hem+Mo hem i laekem tumas das blong hem.+ 15  Ol nesen bambae oli fraet* long nem blong Jehova,Mo olgeta king blong wol bambae oli fraet long glori blong yu.+ 16  From Jehova bambae i wokem gud Saeon bakegen,+Bambae hem i kamtru long glori blong hem.+ 17  Bambae hem i lesin gud long prea blong olgeta we oli no gat samting nating,+Bambae hem i no ting nating long prea blong olgeta.+ 18  Oli raetem samting ya blong ol fiuja jeneresen,+Olsem nao ol man we bambae oli kam yet,* bambae oli presem Jah. 19  From hem i stap antap long tabu ples blong hem, i stap lukluk i kamdaon,+Jehova i stap long heven i stap luk wol, 20  Blong harem ol prisena taem oli stap pulum nogud win blong olgeta,+Mo blong mekem se olgeta we oli kasem jajmen blong ded, oli gofri.+ 21  Olsem nao, ol man bambae oli talemaot nem blong Jehova long Saeon+Mo oli presem hem long Jerusalem, 22  Taem ol man mo ol kingdomOli joen wanples blong mekem wok blong Jehova.+ 23  Hem i tekemaot paoa blong mi taem mi yangfala nomo,Hem i katem laef blong mi i kam sot. 24  Mi talem se: “O God blong mi,Yu yu laef long olgeta jeneresen bifo i kam,+Plis yu no finisim laef blong mi taem mi strong yet. 25  Yu yu putum fandesen blong wol bifo olgeta,Mo long han blong yu, yu mekem heven.+ 26  Ol samting ya bambae oli lus, be yu bambae yu stap oltaem nomo. Bambae oli kam nogud olsem kaliko. Bambae yu jenisim olgeta olsem klos, mo bambae oli lus olwe. 27  Be yu yu stap sem mak nomo, mo ol yia blong yu bambae oli neva finis.+ 28  Ol pikinini blong ol man blong wok blong yu bambae oli stap gud, oli sef,Mo ol pikinini blong olgeta bambae oli stap oltaem nomo long fes blong yu.”+

Ol futnot

NT: “hem i no moa gat paoa.”
NT: “Yu bendaon, yu lesin long mi.”
MNT: “Mi bunbun mo mi slak olgeta.”
NT: “olsem sado we i stap kam longfala moa.”
PT: “Mo olgeta jeneresen we i kam bambae oli tingbaot nem blong yu oltaem.”
NT: “tinghevi.”
PT: “ol man we bambae hem i mekem olgeta.”