Ol Sam 57:1-11
Long daerekta. Blong plei folem “Yu No Spolem.” Miktam.* Singsing blong Deved, taem hem i ronwe long Sol, i go long hol blong ston.+
57 Yu kaen long mi, O God, yu kaen long mi,From mi mi* kam long yu blong haed,+Mo mi mi kam haed long sado blong ol wing blong yu gogo trabol i finis.+
2 Mi mi singaot i go long God ya we i Hae Olgeta,Yes long tru God, we i mekem se ol trabol blong mi oli finis.
3 Bambae hem i stap long heven, i mekem rod blong halpem mi mo i sevem mi.+
Bambae hem i spolem man we i wantem kasem mi. (Selah)God bambae i soemaot long mi fasin blong hem blong lavem man oltaem, mo blong holem promes blong hem oltaem.+
4 Ol laeon oli raonem gud mi.*+
Mi mas ledaon wetem ol man we oli wantem kakae mi,We tut blong olgeta i olsem ol spia mo ol araMo tang blong olgeta i olsem naef blong faet we i sap.+
5 O God, yu leftemap rul blong yu i go antap i bitim heven.
I gud glori blong yu i go kasem olgeta ples long wol.+
6 Oli mekemrere wan net i stap blong kasem leg blong mi.+
Mi benem hed blong mi,* from mi harem nogud tumas.+
Oli go fastaem long mi, oli digim wan hol,Be olgeta nomo oli foldaon long hem bakegen.+ (Selah)
7 O God, hat blong mi i stap strong yet,+Hat blong mi i stap strong yet.
Bambae mi singsing mo mi plei miusik.
8 Glori blong mi, yu wekap.
Instramen we i gat string, yu wekap mo yu tu hap.
Bambae mi mekem eli moning i wekap.+
9 O Jehova, bambae mi presem yu long medel blong olgeta man.+
Bambae mi singim ol sing blong presem* yu long medel blong ol nesen.+
10 From we fasin blong yu blong lavem man oltaem i bigwan, mo i hae kasem heven,+Mo fasin blong yu blong holem promes oltaem, i hae kasem skae.
11 O God, yu leftemap rul blong yu i go antap i bitim heven.
I gud glori blong yu i go kasem olgeta ples long wol.+
Ol futnot
^ NT: “sol blong mi i.”
^ NT: “sol blong mi.”
^ NT: “Sol blong mi i bendaon.”
^ NT: “plei miusik blong presem.”
