Ol Sam 63:1-11

  • Wantem God tumas

    • “Fasin blong yu blong lavem man oltaem, i gud moa i winim laef” (3)

    • “Fulap gud long ol haf we i beswan” (5)

    • Mi tingting dip long yu long naet (6)

    • ‘Mi fasgud long God’ (8)

Singsing blong Deved taem hem i stap long draeples long Juda.+ 63  O God, yu yu God blong mi, mi mi gohed blong lukaotem yu.+ Mi mi* tosta from yu olsem we mi tosta from wota.+ Mi mi* wantem yu tumas nao ae blong mi i dak from,Taem mi stap long wan ples we i drae mo graon blong hem i nogud, i no gat wota nating.+   Taswe, mi mi bin lukluk i kam antap long yu long holi ples blong yu. Mi luk paoa blong yu mo glori blong yu finis.+   From we fasin blong yu blong lavem man oltaem, i gud moa i winim laef,+Bambae maot blong mi i presem yu.+   Yes, bambae mi presem yu long ful laef blong mi. Mo long nem blong yu, bambae mi leftemap han blong mi.   Mi mi* fulap gud long ol haf we i beswan mo i nambawan,*Taswe maot blong mi bambae i presem yu mo lips blong mi i glad tumas.+   Mi tingbaot yu, taem mi stap long bed blong mi. Mi tingting dip long yu long ol aoa blong waj long naet.+   From yu nao yu helpa blong mi,+Mo aninit long sado blong wing blong yu, mi glad, mi stap singaot.+   Mi* fasgud long yu. Raethan blong yu i gohed blong holemtaet mi.+   Be olgeta we oli stap lukaot rod blong spolem laef blong mi*Bambae oli godaon long graon, long ol ples we i dip olgeta. 10  Bambae oli letem olgeta oli go long paoa blong naef blong faet. Bambae oli kam ol kakae blong ol wael dog ya jakol.* 11  Be king bambae i glad from samting we God i mekem. Evri man we oli mekem promes long nem blong Hem, bambae oli glad,*From we bambae hem i satem maot blong ol man we oli stap giaman.

Ol futnot

NT: “Sol blong mi i.”
PT: “Bodi blong mi i.”
NT: “Sol blong mi i.”
PT: “fulap gud long gris mo mi fatfat gud.”
NT: “Sol blong mi i.”
NT: “sol blong mi; blong kilim mi.”
NT: “ol foks.”
NT: “bambae oli tok flas.”