Ol Sam 124:1-8
Wan Singsing Blong Go Antap. Singsing blong Deved.
124 “Sipos Jehova i no bin stap wetem yumi”+I gud Isrel i talem se:
2 “Sipos Jehova i no bin stap wetem yumi+Taem ol man oli kam blong faet agensem yumi,+
3 Long taem ya we oli kros we oli kros tumas long yumi,+Ating bambae oli solemdaon yumi finis we yumi laef nomo.+
4 Mo ating bigfala wota bambae i wasemaot yumi finis,Wota we i ron strong bambae i draonem yumi* finis.+
5 Mo wota we i ron strong, bambae i kavremap yumi* finis.
6 I gud yumi presem Jehova,From hem i no putum yumi long maot blong olgeta olsem kakae blong olgeta.
7 Yumi* olsem wan pijin we i kamaotLong trap blong man blong hanting.+
Trap ya i brok finis,Nao yumi ronwe.+
8 Yumi kasem help from nem blong Jehova,+Man We i Mekem heven mo wol.”
