Ol Sam 107:1-43

  • Talem tangkiu long God from ol gudgudfala wok blong hem

    • Hem i lidim olgeta long stret rod (7)

    • Hem i mekem olgeta we oli tosta mo oli hanggri oli harem gud (9)

    • Hem i tekemaot olgeta long tudak (14)

    • Hem i sanem tok blong hem blong hilim olgeta (20)

    • Hem i protektem ol puaman blong ol man oli no mekem i strong long olgeta (41)

(Ol Sam 107-150) 107  Yufala i talem tangkiu long Jehova, from hem i gud.+ Fasin blong hem blong lavem man oltaem i stap olwe.+   I gud olgeta we Jehova i tekembak* olgeta oli talem ol tok ya,Hemia olgeta we hem i tekemaot olgeta long han* blong ol enemi,+   Mo we i tekemaot olgeta long ol nesen oli kam wanples,+Stat long is go kasem wes,*Mo long not go kasem saot.+   Oli wokbaot olbaot long draeples, long ples we i drae olgeta,Oli no faenem wan rod we i go long wan taon we oli save stap long hem.   Oli hanggri mo oli tosta,Mo ae blong olgeta i dak from oli* taed tumas.   Oli gohed blong krae i go long Jehova taem oli harem nogud,+Hem i tekemaot olgeta long trabol blong olgeta.+   Hem i mekem oli wokbaot long stret rod+Blong kam long wan taon we oli save stap long hem.+   I gud ol man oli talem tangkiu long Jehova+ from fasin blong hem blong lavem man oltaemMo from ol gudgudfala wok we hem i mekem long bihaf blong ol man.+   From hem i mekem olgeta we oli tosta,* oli harem gudMo i mekem olgeta* we oli hanggri, oli fulap long ol gudfala samting.+ 10  Sam oli laef long ol ples we i tudak olgeta,Oli ol prisena we oli stap harem nogud, mo ol aean oli blokem gud olgeta. 11  From oli tanem baksaed long tok blong God. Oli no respektem ol advaes blong Hae God.+ 12  Taswe hem i letem olgeta oli kasem hadtaem, blong mekem tingting blong olgeta i stap daon.+ Oli stambol, mo i no gat man blong givhan long olgeta. 13  Taem oli harem nogud, oli singaot i go long Jehova blong i halpem olgeta,Hem i sevem olgeta, i tekemaot olgeta long trabol blong olgeta. 14  Hem i tekemaot olgeta long ples we i tudak olgeta,Mo i brekemaot ol jen long olgeta.+ 15  I gud ol man oli talem tangkiu long Jehova from fasin blong hem blong lavem man oltaem+Mo from ol gudgudfala wok we hem i mekem long bihaf blong ol man. 16  From hem i brekem finis ol doa we man i wokem long kopaMo i katem ol longfala aean, i mekem hol i gotru.+ 17  Oli no gat hed mo oli kasem trabol+From ol sin blong olgeta mo ol rong blong olgeta.+ 18  Oli no harem se oli* wantem kakae eni samting,Oli stap go klosap long ol get blong ded. 19  Taem oli harem nogud, oli singaot i go long Jehova blong i halpem olgeta. Hem i sevem olgeta, i tekemaot olgeta long trabol blong olgeta. 20  Hem i sanem tok blong hem i go mo i hilim olgeta+Mo i tekemaot olgeta long ol hol we oli fas long hem. 21  I gud ol man oli talem tangkiu long Jehova from fasin blong hem blong lavem man oltaemMo from ol gudgudfala wok we hem i mekem long bihaf blong ol man. 22  I gud oli mekem sakrefaes blong talem tangkiu+Mo oli talemaot ol wok blong hem we oli krae from oli glad tumas. 23  Olgeta we oli stap travel long sip long solwota,We oli stap karem ol kago blong olgeta krosem bigsi,+ 24  Oli luk ol wok blong JehovaMo ol gudgudfala wok blong hem long dipsi,+ 25  We taem hem i tok, strong win i girap,+I mekem ol wef blong solwota oli bigbigwan, 26  I stap leftemap olgeta oli go antap we antap olgeta,Mo i stap sakem olgeta oli godaon we i godaon olgeta. Nao strong tingting* blong olgeta i lus wantaem, taem oli tingbaot nekis trabol we bambae i kasem olgeta. 27  Oli wokbaot we klosap oli foldaon, mo oli stap lelei olbaot olsem ol drong man,Mo waes blong olgeta long solwota i no save givhan long olgeta.+ 28  Nao oli krae i go long Jehova taem oli harem nogud,+Mo hem i stap tekemaot olgeta long trabol blong olgeta. 29  Hem i kwaetem strong win ya,Nao ol wef blong solwota oli godaon, oli kam kwaet.+ 30  Nao oli glad tumas from we solwota i kam kwaet,Mo hem i lidim olgeta oli go long pasis we oli wantem go long hem. 31  I gud ol man oli talem tangkiu long Jehova from fasin blong hem blong lavem man oltaemMo from ol gudgudfala wok we hem i mekem long bihaf blong ol man.+ 32  I gud oli leftemap hem long medel blong ol man long kongregesen,+Mo i gud oli presem hem long kaonsel blong ol elda.* 33  Hem i jenisim ol reva oli kam draeplesMo ol springwota oli kam drae graon,+ 34  Mo ol gudfala graon oli kam graon we i fulap long sol,+From ol rabis fasin blong ol man we oli stap long ples ya. 35  Hem i jenisim draeples i kam ol pul blong wota,Mo drae graon, i kam ol springwota.+ 36  Hem i mekem se olgeta we oli hanggri oli stap long ples ya,+Blong oli save stanemap wan taon blong oli laef long hem.+ 37  Oli saksakem sid long garen, mo oli planem ol plantesen blong grep+We oli stap karem plante kakae.+ 38  Hem i blesem olgeta mo oli kam plante we plante,Hem i no letem we namba blong ol buluk blong olgeta i godaon.+ 39  Be bakegen namba blong olgeta i godaon, mo oli semFrom ol man oli mekem i strong long olgeta mo from trabol mo from oli harem nogud. 40  Hem i mekem ol man oli lukluk rabis long ol haemanMo i mekem oli wokbaot olbaot long ples we i nogud finis, we i no gat rod.+ 41  Be hem i protektem ol puaman* blong ol man oli no mekem i strong long olgeta+Mo i mekem ol famle blong olgeta oli kam plante olsem wan grup blong ol sipsip. 42  Ol stret man oli luk samting ya mo oli glad tumas,+Be olgeta we oli no stret oli satem maot blong olgeta.+ 43  Man we i waes bambae i lukluk gud ol samting ya+Mo bambae hem i tingting gud long ol samting we Jehova i mekem blong soemaot fasin blong hem blong lavem man oltaem.+

Ol futnot

NT: “pembak.”
NT: “paoa.”
NT: “Stat long saed we san i girap long hem, mo stat long saed we san i godaon long hem.”
NT: “from sol blong olgeta i.”
NT: “mekem ol sol we oli drae.”
NT: “ol sol.”
NT: “Sol blong olgeta i no.”
NT: “Nao sol.”
PT: “ples blong ol elda.”
NT: “hem i putum ol puaman antap olgeta.” Hemia i min se i no gat wan samting i save kasem olgeta.