Ol Sam 31:1-24
Long daerekta. Singsing blong Deved.
31 O Jehova, mi mi kam long yu blong haed.+
I gud ol man oli neva mekem mi mi sem.+
Yu sevem mi from we yu gat stret fasin.+
2 Yu pusum sora blong yu i kam long mi.*Yu kam hariap yu sevem mi.+
Yu kam olsem wan bigfala hil we i save blokem gud mi,Wan strong ples we mi save sef long hem.+
3 Hemia from we yu yu olsem hol blong ston blong mi, mo yu strong ples blong haed blong mi.+
From nem blong yu,+ bambae yu lidim mi mo yu soem rod long mi.+
4 Bambae yu tekemaot mi long net ya we oli haedem blong kasem mi,+From yu yu strong sefples blong mi.+
5 Mi mi putum spirit blong mi long han blong yu.+
Yu pembak mi finis, O Jehova, God blong trutok.*+
6 Mi mi no laekem nating olgeta we oli stap wosipim ol aedol ya we oli no save givhan nating,Be mi, mi trastem Jehova.
7 Bambae mi glad tumas long fasin blong yu blong lavem man oltaem,From yu yu luk finis ol trabol blong mi.+
Yu save gud samting we i mekem mi mi harem nogud bitim mak.
8 Yu yu no bin letem mi mi go long han blong ol enemi,Be yu mekem mi mi stanap long ples we i sefgud.*
9 O Jehova, yu kaen long mi from mi mi stap long trabol.
Mi harem nogud gogo ae blong mi i slak olgeta+ mo ful bodi* blong mi tu.+
10 Laef blong mi i fulap long trabol+Mo long olgeta yia we mi laef, oltaem mi stap krae.+
Paoa blong mi i stap lus from ol rong we mi mekem.
Ol bun blong mi oli kam slak olgeta.+
11 Olgeta enemi blong mi oli stap jikim mi,+Speseli ol neba blong mi.
Mo olgeta we oli save mi, oli fraet long mi,Taem oli luk mi long pablik ples, oli ronwe long mi.+
12 Oli tekemaot mi long tingting* blong olgeta mo oli fogetem mi finis, olsem we mi ded finis.
Mi olsem wan jag we i brok finis.
13 Mi harem plante nogud toktok we i stap goraon,Ol samting blong fraet oli stap raonabaot long mi.+
Taem oli joen wanples olsem wan grup blong agensem mi,Oli mekem plan blong tekemaot laef* blong mi.+
14 Be mi mi trastem yu, O Jehova.+
Mi talemaot se: “Yu yu God blong mi.”+
15 Ol dei* blong mi i stap long han blong yu.
Plis yu tekemaot mi long han blong ol enemi blong mi mo long olgeta we oli stap ronem mi blong kilim mi.+
16 Yu mekem fes blong yu i saen long man blong wok blong yu.+
Yu yusum fasin blong yu blong lavem man oltaem, blong sevem mi.
17 O Jehova, taem mi singaot i kam long yu, i gud ol man oli no mekem mi mi sem.+
I gud ol man nogud oli sem.+
I gud yu satem maot blong olgeta long Gref.*+
18 I gud ol lips we oli stap giaman, oli no moa gat tok blong talem,+Hemia olgeta we oli stap tok flas agensem ol stret man, mo oli stap luklukdaon long olgeta mo oli flas.
19 !Gudfala fasin blong yu i bigwan tumas!+Yu yu putumgud i stap se i blong olgeta we oli fraet* long yu,+Mo yu bin soemaot fasin ya long fes blong ol man, long bihaf blong olgeta we oli stap kam haed long yu.+
20 Bambae yu haedem olgeta long ples we yu stap long hem, long wan ples we man i no save+Blong oli stap longwe long ol rabis plan blong ol man.
Bambae yu haedem olgeta long selta blong yuBlong oli stap longwe long ol rabis tok we i save spolem man.*+
21 I gud yumi presem Jehova,From we taem ol enemi oli raonem taon blong holem mi,+ hem i soemaot long wan nambawan fasin se hem i lavem mi oltaem.+
22 Be mi, mi panik, nao mi talem se:“Bambae mi mi lus nomo long fored blong yu.”+Be yu yu harem mi taem mi krae long yu blong yu halpem mi.+
23 !Yufala evriwan we i holemstrong long Jehova, yufala i mas lavem hem!+Jehova i stap protektem olgeta we oli stap tru long hem,+Be man we i flas, bambae hem i kasem pei blong hem.+
24 Yufala evriwan we i stap wet long Jehova,+Yufala i mas gat strong tingting, mo i gud hat blong yufala i strong.+
