Ol Sam 6:1-10
Long daerekta. Blong sing wetem ol instramen we i gat string, long tiun blong Seminit.* Singsing blong Deved.
6 O Jehova, yu no tok blong stretem mi long taem we yu kros,Mo yu no stretem mi long taem we yu no glad.+
2 O Jehova, yu kaen* long mi, from we mi stap kam slak.
O Jehova, yu hilim mi,+ from we ol bun blong mi oli stap seksek.
3 Yes, tingting blong mi* i trabol tumas,+Nao mi askem long yu Jehova se, ?bambae i gohed kasem wetaem?+
4 O Jehova, yu kambak, mo yu sevem mi,*+From fasin blong yu blong lavem man oltaem, plis yu sevem mi.+
5 From we long ded, i no gat man i tokbaot* yu.
Mo long Gref,* ?hu bambae i presem yu?+
6 Mi mi stap pulum nogud win blong mi mo mi kam taed.+
Mi stap krae fulnaet, we wota blong ae blong mi i mekem bed blong mi i wetwet gud.*Longfala jea blong mi i fulap gud long wota from we mi stap krae.+
7 Ae blong mi i kam slak olgeta from mi harem nogud tumas,+Mo i no moa klia* from we ol man oli stap mekem nogud long mi.
8 Yufala we i stap mekem rabis fasin, yufala i gowe long mi,From Jehova bambae i harem saon blong krae blong mi.+
9 Jehova bambae i harem mi taem mi askem hem blong i sore long mi.+
Jehova bambae i akseptem prea blong mi.
10 Olgeta enemi blong mi bambae oli sem mo oli harem nogud.
Mo wantaem nomo bambae oli ron i gobak we oli sem bitim mak.+
Ol futnot
^ NT: “sore.”
^ NT: “sol blong mi.”
^ NT: “sol blong mi.”
^ NT: “tingbaot.”
^ PT: “mekem bed blong mi i swim.”
^ NT: “Mo i kam olfala.”
