Ol Sam 140:1-13
Blong daerekta. Singsing blong Deved.
140 O Jehova, yu tekemaot mi long han blong ol rabis man.
Yu protektem mi blong ol man blong faet oli no spolem mi,+
2 Olgeta ya oli stap mekem ol rabis plan long hat blong olgeta+Mo long fuldei oli stap traem blong statem rao.
3 Oli sapenem tang blong olgeta olsem tang blong wan snek,+Mo i gat posen blong snek insaed long maot blong olgeta.+ (Selah)
4 O Jehova, yu protektem mi blong mi no go long han blong ol man nogud.+
Yu blokem gud mi long ol man blong faet,Olgeta ya oli stap mekem plan blong mekem mi mi foldaon.
5 Ol praod man oli haedem wan trap blong kasem mi,Oli yusum ol rop blong pulum wan net long saed blong rod.+
Oli putum ol trap blong kasem mi.+ (Selah)
6 Mi talem long Jehova se: “Yu yu God blong mi.
O Jehova, yu lesin long mi taem mi plis long yu blong yu halpem mi.”+
7 O Jehova we yu Hae Masta, yu yu strongfala Sevia blong mi,Long taem blong faet, yu yu blokem gud hed blong mi.+
8 O Jehova, yu no givim samting we ol man nogud oli wantem tumas.
Yu no letem ol plan blong olgeta oli go gud, olsem nao bambae man i no save leftemap olgeta.+ (Selah)
9 I gud yu mekem ol rabis toktok we ol man we oli stap raon long mi oli stap talemI kasem hed blong olgeta bakegen.+
10 I gud ol sakol faea oli folfoldaon long olgeta olsem ren, i bonem olgeta.+
I gud yu slingim olgeta i go insaed long faea,Yes, i go insaed long ol hol we i dip,*+ we neva oli save girap bakegen.
11 Mo ol man we oli stap giaman blong spolem nem blong narafala, i gud oli no gat wan ples blong stap long hem long wol ya.*+
I gud wan rabis samting i kasem ol man blong faet mo i kilim ded olgeta.
12 Mi mi save se Jehova bambae i difendem ol man we oli no gat nemMo i mekem ol puaman oli kasem jastis.+
13 I tru, ol stret man bambae oli presem nem blong yu blong talem tangkiu long yu.
Ol gudfala man bambae oli stap oltaem long fes blong yu.*+
