Ol Sam 62:1-12
Long daerekta. Blong Jedutun.* Singsing blong Deved.
62 Yes, mi mi* stap kwaet nomo mi wet long God.
Rod blong sevem mi i kam long God.+
2 Yes, hem i olsem bigfala ston blong mi mo i sevia blong mi, mo i sefples blong mi.*+
Bambae i no gat wan samting i save muvmuvum mi bitim mak.+
3 ?Bambae yufala i stap atakem wan man blong kilim hem i ded, gogo kasem wetaem?+Yufala evriwan i denja tumas olsem wan wol we i lei, wan stonwol we i rere blong foldaon.*
4 From oli stap toktok tugeta blong kikimaot hem long hae posisen* blong hem.
Oli glad tumas blong giaman.
Long maot blong olgeta, oli blesem man, be insaed long olgeta, oli stap singaot trabol.+ (Selah)
5 Yes, mi mi stap kwaet nomo mi wet* long God+From we hop blong mi i kamaot long hem.+
6 Yes, hem i olsem bigfala ston blong mi mo i sevia blong mi, mo i sefples blong mi.
Bambae i no gat wan samting i save muvmuvum mi.+
7 Mi mi dipen long God blong i sevem mi, mo i givim glori long mi.
God nao i strongfala ston blong mi, mo i ples blong haed blong mi.+
8 Olgeta, yufala i mas trastem hem oltaem.
Long fes blong hem, yufala i talemaot olgeta samting we i stap long hat blong yufala.+
God i ples blong haed blong yumi.+ (Selah)
9 Ol pikinini blong man oli olsem win blong maot,Ol pikinini blong man oli olsem wan giaman samting.+
Taem man i putum olgeta wanples long skel, win blong maot i hevi moa bitim olgeta.+
10 Yufala i no mas trastem fasin ya we man i fosem narafala blong karemaot samting blong hemO yufala i putum hop long fasin blong stil, we i olsem giaman hop.
Sipos ol sas samting blong yufala oli stap kam plante moa, yufala i no mas putum hat blong yufala long hem.+
11 God i toktok wan taem finis, yes, mi harem hem i talem tu taem se:Paoa ya i blong God.+
12 Mo tu, fasin blong lavem man oltaem, i blong yu Jehova,+From yu yu stap givim pei long ol man wanwan stret folem ol wok blong olgeta.+
Ol futnot
^ NT: “sol blong mi i.”
^ NT: “sefples blong mi we i hae we i hae.”
^ MNT: “Yufala evriwan, i olsem hem we i olsem wan wol we i lei, wan stonwol we i rere blong foldaon.”
^ NT: “haenem.”
^ NT: “O sol blong mi, yu wet.”
