Ol Sam 28:1-9
-
God i harem prea blong man blong raetem sam
-
‘Jehova i paoa mo i sil blong mi’ (7)
-
Singsing blong Deved.
28 Mi stap singaot i kam long yu, O Jehova, Bigfala Ston blong mi.+
Yu no satem sora blong yu long mi.
Sipos yu stap kwaet nomo yu stap lukluk mi,Bambae mi kam olsem olgeta we oli stap godaon long hol.*+
2 Taem mi leftemap han blong mi i go long rum we i insaed olgeta, long tabu rum blong yu+Mo mi krae long yu blong yu halpem mi, plis yu harem mi.
3 Yu no mas sakemaot mi wetem ol man nogud, yes wetem olgeta ya we oli stap mekem man i harem nogud,+Olgeta ya oli save toktok gud wetem ol fren blong olgeta, be rabis tingting i stap long hat blong olgeta.+
4 Oli mekem plante rabis fasin,Plis yu givimbak long olgeta+ stret folem ol rabis wok blong olgeta.
Han blong olgeta i mekem plante samting,Plis yu givimbak long olgeta stret folem samting we oli mekem.+
5 From we oli no tingbaot nating ol wok blong Jehova,+Mo ol wok blong han blong hem.+
Bambae hem i brekemdaon olgeta mo i no moa stanemap olgeta.
6 I gud yumi presem Jehova,From hem i harem mi taem mi askem strong long hem blong i halpem mi.
7 Jehova i paoa blong mi+ mo i sil blong mi,+Long hat blong mi, mi trastem hem.+
Mi mi kasem help long hem, mo hat blong mi i glad tumas,Taswe bambae mi presem hem long singsing blong mi.
8 Jehova i paoa blong ol man blong hem,Hem i wan strong ples blong haed, i stap sevem man we hem i makemaot.+
9 Yu sevem ol man blong yu, mo yu blesem ol samting we i blong yu.+
Yu lukaot gud long olgeta olsem man blong lukaot long sipsip, mo yu karem olgeta long han blong yu olwe.+
Ol futnot
^ NT: “gref.”
