Ol Sam 129:1-8
-
Oli atakem mi be oli no win
-
Ol man we oli no laekem Saeon nating, oli sem (5)
-
Wan Singsing Blong Go Antap.
129 “I stat taem mi yangfala i kam, ol enemi oli atakem mi oltaem”+I gud Isrel i talem se:
2 “I stat taem mi yangfala i kam, ol enemi oli atakem mi oltaem,+Be oli no winim mi.+
3 Ol man blong plao oli pulum plao long baksaed blong mi,+Oli mekem ol longlongfala mak long baksaed blong mi.”
4 Be Jehova i gat stret fasin,+Hem i katemaot ol rop blong ol man nogud finis.+
5 Olgeta man we oli no laekem Saeon nating,+Bambae ol man oli mekem olgeta oli sem, mo bambae oli ron i gobak from sem.
6 Bambae oli kam olsem gras long ruf blong haos,We i drae bifo we oli pulumaot,
7 Mo i no save fulap long han blong man we i stap pikimap kakaeNo long han blong man we i stap fasem ol bandel wit wanples.
8 Olgeta we oli stap pas klosap long olgeta, bambae oli no talem se:“I gud Jehova i blesem yufala,Mifala i blesem yufala long nem blong Jehova.”
